ភ្នំពេញ៖ លោក ធាម ច័ន្ទពិសិដ្ឋ ចៅក្រមជំនុំជម្រះ នៃសាលាដំបូងរាជធានីភ្នំពេញកាលពីថ្ងៃទី០៩ ខែមករា ឆ្នាំ២០១៩ បានប្រកាសសាលក្រម សម្រេចផ្តន្ទាទោសឈ្មោះ អៀង ជលសារ ដាក់ពន្ធនាគារ ចំនួន០៣ឆ្នាំ និងពិន័យជាប្រាក់ ចំនួន៥លានរៀល ពាក់ព័ន្ធនឹងបទល្មើសជេរប្រមាថ អង្គព្រះមហាក្សត្រ កាលពីខែមិថុនា ឆ្នាំ២០១៨ កន្លងទៅ។
គួររំម្លឹកផងដែរថា កាលពីរសៀលថ្ងៃទី១៥ ខែមិថុនា ឆ្នាំ២០១៨ សមត្ថកិច្ចនគរបាល នៃស្នងការដ្ឋានខេត្តត្បូងឃ្មុំ បានឃាត់បុរសម្នាក់ បន្ទាប់ពីគេបានប្រើ Account Facebook ឈ្មោះ អៀង ជលសារ បង្ហោះសារ ជេរប្រមាថព្រះមហាក្សត្រ កាលពីថ្ងៃពុធ ទី១៣ ខែមិថុនា ឆ្នាំ២០១៨ ម៉ោង៩.១៦នាទីយប់៕
