ដូ​ណា​ល់ ត្រាំ គ្រោង​ឲ្យ​អង់គ្លេស កុំ​ប្រើប្រាស់​បច្ចេកវិទ្យា 5G របស់ Huawei ដូច​ខ្លួន​ដែរ​

503

Reuters៖ ប្រធានាធិបតី​អាមេរិក​លោក ដូ​ណា​ល់ ត្រាំ ត្រូវបាន​គេ​រំពឹងថា នឹង​ទាមទារ​ឲ្យ​ប្រទេស​អង់គ្លេស ដាក់​បម្រាម​លើ​ក្រុមហ៊ុន​បច្ចេកវិទ្យា​របស់​ចិន Huawei និង​កុំ​ប្រើប្រាស់​បណ្តាញ 5G ដូច​ប្រទេស​ខ្លួន​ដែរ នៅក្នុង​ដំណើរ​បំពេញ​ទស្សនកិច្ច​ផ្លូវរដ្ឋ នៅ​ចក្រភព​អង់គ្លេស ដោយ​ឈរ​នៅលើ​ការចោទប្រកាន់​ចំពោះ ក្រុមហ៊ុន​ចិន Huawei នេះ​គឺជា​អ្នកស៊ើប​ការសំងាត់​ទៅ​ឲ្យ​រដ្ឋាភិបាល​ប្រទេស​ចិន​។​

ម្ចាស់​ក្ស​ត្រី​យ៍​អង់គ្លេស អេ​លីហ្សា​ប៊ែ​ត (Elizabeth)  និងលោក ដូណាល់ ត្រាំ

ដំណើរ​ទស្សនកិច្ច របស់​ប្រធានាធិបតី​អាមេរិក​លោក ដូ​ណា​ល់ ត្រាំ ត្រូវ​បានទទួល​ស្វាគមន៍​ដោយ​ម្ចាស់​ក្ស​ត្រី​យ៍​អង់គ្លេស អេ​លីហ្សា​ប៊ែ​ត (Elizabeth) និង​ព្រះអង្គម្ចាស់ ឆាល (Charles) សម្រាប់​ថ្ងៃទី​១ ហើយ​នៅ​ថ្ងៃទី​ពីរ​នេះ​លោក ដូ​ណា​ល់ ត្រាំ នឹង​ផ្តោតលើ​រឿង​នយោបាយ​វិញ​ម្តង តាមរយៈ​កិច្ច​ជជែក​ពិភាក្សា​នៅក្នុង វិមាន​រដ្ឋាភិបាល​អង់​គ្លេ​ស (Downing Street), ការធ្វើ​សន្និសីទកាសែត និង​ការ​ទទួលទាន​អាហារ​ពេល​ល្ងាច ដែល​អាចមាន​វត្តមាន​បណ្តា​បេក្ខភាព ដែល​នឹងត្រូវ​បន្ត​តំណែង​ពី​នាយករដ្ឋមន្ត្រី​អង់គ្លេស លោកស្រី ថេ​រ៉េ​សា ម៉ា​យ (Theresa May) ដែល​បានប្រកាស​លាលែង​តំណែង ក្នុងនោះ​មាន​ទាំង​អតីតរដ្ឋមន្ត្រី​ការបរទេស​អង់គ្លេស​លោក បូរី​ស ច​ន​សុន (Boris Johnson) ដែល​លោក ត្រាំ ទើបតែ​បង្ហាញ​ការគាំទ្រ​។​

ការធ្វើ​បាតុកម្ម​តវ៉ា​យ៉ាង​កក្រើក ពី​សំណាក់​ប្រជាជន​អង់គ្លេស ប្រឆាំងលោក ដូណាល់ ត្រាំ

ក្រៅពី​រឿង Brexit (​ការដកខ្លួន​របស់​អង់គ្លេស​ចេញពី​សហភាព​អឺរ៉ុប​) បញ្ហា​ទាក់ទង​នឹង​ក្រុមហ៊ុន Huawei ក៏​នឹង​ក្លាយជា​ប្រធានបទ​ដ៏​សំខាន់​មួយ ក្នុង​កិច្ចពិភាក្សា​របស់លោក ដូ​ណា​ល់ ត្រាំ នៅ​ទីក្រុង​ឡុង​ដ៍​ដែរ បន្ទាប់ពី​រដ្ឋាភិបាល​អ​ង់​គ្លេ​ស ដូចជា​គាំទ្រ​ចំពោះ​របស់​រដ្ឋបាល​រប​ស់លោក ដោយ​អនុញ្ញាត​ឲ្យ​ក្រុមហ៊ុន​ចិន Huawei ចូលរួមចំណែក​ខ្លះ​ក្នុង​កិច្ច​កសាង​បណ្តាញ 5G របស់ខ្លួន​។​

ការធ្វើ​បាតុកម្ម​តវ៉ា​យ៉ាង​កក្រើក ពី​សំណាក់​ប្រជាជន​អង់គ្លេស ប្រឆាំងលោក ដូណាល់ ត្រាំ

​ប្រធានាធិបតី​អាមេរិក លោក ដូ​ណា​ល់ ត្រាំ ក៏ត្រូវ​បានទទួល​ការស្វាគមន៍ ដោយ​ការធ្វើ​បាតុកម្ម​តវ៉ា​យ៉ាង​កក្រើក ពី​សំណាក់​ប្រជាជន​អង់គ្លេស នៅ​ពាសពេញ​ទីក្រុង​ឡុង​ដ៍​ផងដែរ​៕​