ភ្នំពេញ៖ ភាពស៊ីវិល័យ, ប្រណីតភាព និងភាពទាន់សម័យ នៅតាមគេហដ្ឋាន, ការិយាល័យ, សណ្ឋាគារ និងភោជនីយដ្ឋាន គឺជាអ្វីដែលមនុស្សគ្រប់គ្នា តែងតែប្រាថ្នាចង់បាន។ សេចក្ដីប្រាថ្នានេះ អាចមានកើតឡើង និងកាន់តែមានភាពងាយស្រួល ជាមួយក្រុមហ៊ុន OVER UNDER FURNITURE ដែលអាចផ្ដល់ជូនលោកអ្នក មិនត្រឹមតែគ្រឿងសង្ហារឹម ប្រណីត ទំនើបទាន់សម័យនោះទេ ថែមទាំងអាចរចនាផ្ទៃខាងក្នុង ឲ្យសាកសមទៅតាមបរិបទទាន់សម័យនិយម នាពេលបច្ចុប្បន្ននេះផងដែរ។
![](https://www.cambodianews.today/wp-content/uploads/2020/02/Over-Under-Furniture-2.jpg)
ជាមួយនឹងកិច្ចខិតខំប្រឹងប្រែង និងការស្រឡាញ់ពេញចិត្ត, ក្រុមហ៊ុន OVER UNDER FURNITURE បានសម្រេចនូវកិច្ចព្រមព្រៀងដ៏ធំមួយ ជាមួយដៃគូអាជីវកម្មនៅប្រទេសដាណឺម៉ាក, ប្រទេសបែលហ្ស៊ិក និងប្រទេសវៀតណាម ក្នុងការលក់ និងចែកចាយគ្រឿងសង្ហារឹមនៅកម្ពុជា សម្រាប់យីហោល្បីឈ្មោះចំនួន ២ គឺ យីហោទី១ មានឈ្មោះថា MUUTO មកពីប្រទេសដាណឺម៉ាក និងយីហោទី២ មានឈ្មោះថា District Eight មកពីប្រទេសវៀតណាម និងក្រដាសបិទជញ្ជាំង ដែលមានគុណភាពខ្ពស់ដែលមានឈ្មោះថា Arte ផលិតនៅប្រទេសបែលហ្ស៊ិក។
![](https://www.cambodianews.today/wp-content/uploads/2020/02/Over-Under-Furniture-4.jpg)
អ្នកនាង ហ៊ុន ចិន្តា ដែលជាប្រធានគ្រប់គ្រងក្រុមហ៊ុន OVER UNDER FURNITURE បានឱ្យដឹងថា ក្រុមហ៊ុន OVER UNDER FURNITURE មិនត្រឹមតែមានសិទ្ធិលក់គ្រឿងសង្ហារឹមប៉ុណ្ណោះទេ ថែមទាំងទទួលបានសិទ្ធិ តំណាងឲ្យយីហោខាងលើ ធ្វើជាអ្នកចែកចាយផ្តាច់មុខ នៅក្នុងប្រទេសកម្ពុជាផងដែរ។
![](https://www.cambodianews.today/wp-content/uploads/2020/02/Over-Under-Furniture-5-1024x682.jpg)
ចាប់ពីពេលនេះតទៅ លោកអ្នកអាចអញ្ចើញមកទស្សនា ការដាក់តាំងបង្ហាញនូវគ្រឿងសង្ហារឹមទាំងនេះ នៅកន្លែងដាក់តាំងបង្ហាញរបស់ OVER UNDER FURNITURE ដែលមានទីតាំងស្ថិនៅផ្ទះលេខ ១៧ ផ្លូវ ៣១០ សង្កាត់បឹងកេងកង ១ ខណ្ឌចំការមន រាជធានីភ្នំពេញ រៀងរាល់ម៉ោងធ្វើការ៕
![](https://www.cambodianews.today/wp-content/uploads/2020/02/Over-Under-Furniture-6-1024x682.jpg)