កំពង់ធំ៖ អគ្គនាយកធនាគារអភិវឌ្ឍន៍ជនបទ និងកសិកម្ម បានជំរុញកសិករជាង ១០០គ្រួសារ នៅឃុំសានគរ ស្រុកកំពង់ស្វាយ ខេត្តកំពង់ធំ ឱ្យចងក្រងជាក្រុមផលិត ដាំដុះបន្លែសុវត្ថិភាព ដោយធ្វើការសហការជាមួយមន្ទីរកសិកម្មខេត្ត។
![](https://www.clicknews.com.kh/public/assets/images/dropzone/uploads/33b901a461d1076dfb6cd05db844cee7.jpg)
ការជំរុញនេះ បានធ្វើឡើងនៅថ្ងៃទី៣ ខែមិថុនានេះ ខណៈដែលលោក កៅ ថាច អគ្គនាយកនៃធនាគារអភិវឌ្ឍន៍ជនបទ និងកសិកម្ម ព្រមទាំងសហការី បានជួបតំណាងកសិករជាង១០០គ្រួសារ ស្ថិតនៅក្នុងភូមិសារី ឃុំសានគរ ស្រុកកំពង់ស្វាយ។
![](https://www.clicknews.com.kh/public/assets/images/dropzone/uploads/f9c1cf2bbf4dfde00132f746d274a443.jpg)
លោក កៅ ថាច ក៏បានជំរុញឱ្យប្រជាកសិករ ចងក្រងជាក្រុមផលិត និងរៀបចំផែនការដាំដុះឱ្យបានច្បាស់លាស់ ដើម្បីផ្គត់ផ្គង់ចូលទីផ្សារ និងបានណែនាំអំពីគម្រោងឥណទានខ្នាតតូចរបស់ធនាគារអភិវឌ្ឍន៍ជនបទ និងកសិកម្ម ដែលមានអត្រាការប្រាក់អនុគ្រោះ សម្រាប់ប្រជាកសិករ ដែលមានតម្រូវការឥណទាន។
ជាមួយគ្នានេះ លើបញ្ហាទីផ្សារផលិតផលរបស់កសិករ លោក កៅ ថាច ក៏បានសន្យាថា នឹងជួយភ្ជាប់ទីផ្សារជូនដល់កសិករ នៅពេលដែលកសិករផលិតបានផងដែរ៕
![](https://www.clicknews.com.kh/public/assets/images/dropzone/uploads/8ae74644078a663d6b8c72098edb0ca8.jpg)
![](https://www.clicknews.com.kh/public/assets/images/dropzone/uploads/07dde02f5fc453cee84d85411a2a61ab.jpg)
![](https://www.clicknews.com.kh/public/assets/images/dropzone/uploads/85296ff51986c32b0408a2f244e3c64f.jpg)
![](https://www.clicknews.com.kh/public/assets/images/dropzone/uploads/dd1151c58313daa3aef97c581f7a55ee.jpg)
![](https://www.clicknews.com.kh/public/assets/images/dropzone/uploads/da3f0b5023009a81b5de8fa39d3edd3a.jpg)
![](https://www.clicknews.com.kh/public/assets/images/dropzone/uploads/1ed3c35b208a17850286e0bf35fb895e.jpg)
![](https://www.clicknews.com.kh/public/assets/images/dropzone/uploads/68e5063a7da6d436c9e66cd015cd4e77.jpg)