ភ្នំពេញ៖ ចិន កំពុងត្រៀមរៀបចំនាំ ចេញផ្លែស្វាយ កម្ពុជា ទៅកាន់ទីផ្សារ ប្រទេសចិនឡើងវិញ ក្រោយផ្អាកមួយរយៈ បន្ទាប់ពីជួបបញ្ហារាតត្បាតដោយវីរុសកូវីដ១៩។ យោងតាមការប្រកាស ដោយស្ថានទូតសាធារណរដ្ឋប្រជាមានិតចិន ប្រចាំកម្ពុជានៅថ្ងៃទី៤ ខែមិថុនា ឆ្នាំ២០២០ បានឱ្យដឹងថា ប្រទេសចិន និងកម្ពុជា នឹងរៀបចំផ្លាស់ប្តូរពិធីសារនាំផ្លែស្វាយកម្ពុជា ទៅកាន់ប្រទេសចិន ដែលនឹងរៀបចំឡើងនៅថ្ងៃទី៩ ខែមិថុនា ក្នុងទីស្ដីការក្រសួងកសិកម្ម រុក្ខាប្រមាញ់ និងនេសាទ។
![](https://www.clicknews.com.kh/public/assets/images/dropzone/uploads/825cb9dfcf8b3dec29ac636f4075c555.jpg)
ស្ថានទូតចិន បញ្ជាក់ទៀតថា ផ្លែស្វាយកម្ពុជា ជាកសិផលមួយទៀត បន្ទាប់ពីផ្លែចេក ដែលអាចត្រូវបានអនុញ្ញាតនាំចេញទៅកាន់ទីផ្សារប្រទេសចិន។ កម្ពុជា អាចនាំចេញផ្លែស្វាយដែលមានគុណភាពខ្ពស់ចំនួន ៥០ម៉ឺនតោន ទៅកាន់ទីផ្សារប្រទេសចិនជារៀងរាល់ឆ្នាំ នឹងអាចជំរុញការអភិវឌ្ឍវិស័យផលិតផលកសិកម្មក្នុងប្រទេសកម្ពុជា ឱ្យកាន់តែល្អប្រសើរ៕
![](https://www.clicknews.com.kh/public/assets/images/dropzone/uploads/59887a8a47c07139fe48edcae4f0964d.jpg)
![](https://www.clicknews.com.kh/public/assets/images/dropzone/uploads/099e9998cd54d9f256bd529d47effee7.jpg)
![](https://www.clicknews.com.kh/public/assets/images/dropzone/uploads/2d841ba4dcf2f717ac7632d3a1a0825e.jpg)