ទូត​ ​នៃ​ប្រទេស​ចំនួន​ ៧ ប្រចាំ​កម្ពុជា​ ​បានត្រឹមតែ​មកជួប និង​សួរសុខទុក្ខ​ ​លោក​ ​កឹម​ ​សុខា​

312

បន្ទាប់ពី​លោក​ ​កឹម​ ​សុខា​ ​ទទួលបាន​សិទ្ធិ​ច្រើនជាង​មុន​ ​រហូតមកដល់​ពេលនេះ​ ​មាន​ឯកអគ្គរដ្ឋទូត​បរទេស​  ​ចំនួន​៧​រូប​ហើយ បានមក​ចូលជួប​លោក កឹម សុខា​ ​នៅ​គេហដ្ឋាន​របស់លោក​  ​ពេលព្រឹក​ ​និង​ពេល​ល្ងាច​ ​ក្នុងនោះ​រួមមាន​ ​ឯកអគ្គរដ្ឋទូត​អាមេរិក ឯកអគ្គរដ្ឋទូត​អាល្លឺម៉ង់ ឯកអគ្គរដ្ឋទូត​អូស្ត្រាលី ឯកអគ្គរដ្ឋទូត​បារាំ​ង ឯកអគ្គរដ្ឋទូត​អឺរ៉ុប​ប្រចាំ​នៅ​កម្ពុជា ឯកអគ្គរាជទូត​ជប៉ុន និង​នៅ​ថ្ងៃទី​ ១៤ ​វិ​ច្ឆ​កា​នេះ​ ​គឺ​ ​ឯកអគ្គរាជទូត​អង់គ្លេស​ ​ផងដែរ​។​

​បើ​យោងតាម​បញ្ជាក់ប្រាប់​របស់​ ​លោក មុត ចន្ថា នាយក​ខុទ្ទកាល័យ​របស់លោក កឹម សុខា​ ​ដែល​បាន​ធ្វើឡើង​ក្រោយ​បញ្ចប់​ជំនួប​រវាង​លោក កឹម សុខា ជាមួយ​លោកស្រី Tina Redshaw ឯកអគ្គរាជទូត នៃ​ចក្រភព​អង់គ្លេស​ប្រចាំ​កម្ពុជា នៅ​ព្រឹក​ថ្ងៃទី​១៤ ខែវិច្ឆិកា ឆ្នាំ​២០១៩ ​បាន​ឲ្យ​ដឹងថា​ ​ជំនួប​ទាំងអស់​ ​របស់​ឯកអគ្គរដ្ឋទូត​ ​និង​ឯកអគ្គរាជទូត​ ​សរុប​ទាំងអស់​ ៧ ​រូប​មកហើយ​នេះ​ ​គឺ​គ្រាន់តែ​ជា​ការជួប​សួរសុខទុក្ខ​ធម្មតា​ប៉ុណ្ណោះ មិនបាន​ពិភាក្សា​គ្នាច្រើន​លើសពីនេះ​នោះឡើយ​ ​ពោលគឺ​មិន​និយាយ​អំពី​រឿង​នយោបាយ​ឡើយ​។​

​ការ​អ​ញ្ចើ​ញ​មកជួប​ ​លោក កឹម សុខា​ ​ជា​បន្តបន្ទាប់​នេះ​ ​បាន​កើតឡើង​ក្រោយពី​ ​លោក កឹម​ ​សុខា​ ​ត្រូវបាន​សាលាដំបូង​រាជធានី​ភ្នំពេញ បានសម្រេច​ដាក់​ឲ្យ​ស្ថិតក្រោម​ការត្រួតពិនិត្យ​តាមផ្លូវ​តុលាការ​ដដែល ប៉ុន្តែ​ទទួលបាន​ការបន្ធូរបន្ថយ​លក្ខខណ្ឌ​ត្រួតពិនិត្យ​មួយចំនួន​។ លក្ខខណ្ឌ​ថ្មី​នេះ រួមមាន​៖ ១៖ មិនត្រូវ​ចេញ​ក្រៅ​ព្រំប្រទល់​ដែនដី​នៃ​ព្រះរាជាណាចក្រ​កម្ពុជា​។ ២៖ មិនត្រូវ​ធ្វើ​សកម្មភាព​នយោបាយ និង​៣៖ ត្រូវ​ឆ្លើយតប​នឹង​ការកោះហៅ​ពី​គ្រប់​សមត្ថកិច្ច​៕