ចិន ប្រាប់ ក្រុមបាតុករ​នៅ​ហុងកុង ថា “​កុំ​លេង​ជាមួយ​ភ្លើង​”

1162

ដោយសារតែ​ក្រុមបាតុករ​ហុងកុង កាន់តែ​បំពាន និង​មិន​គោរព​ច្បាប់ បង្ករ​ភាពវឹកវរ កាន់តែខ្លាំង ដល់​សុវត្ថិភាព និង​សណ្ដាប់ធ្នាប់​នៅ​ទីក្រុង​ហុងកុង​ រយៈពេល ៩​សប្ដាហ៍​ជាប់ៗ​គ្នា​កន្លងមក រដ្ឋាភិបាលកណ្តាល​របស់ប្រទេសចិន កាលពី​ថ្ងៃ​អង្គារ បាន​ព្រមាន​ក្រុមបាតុករ កុំ​ឲ្យ​ពួកគេ​មើលស្រាល​កម្លាំង​ ដ៏​ធំធេង​របស់​ទីក្រុង​ប៉េកាំង​។​

លោក យ៉ាង កាង (Yang Guang)

​លោក យ៉ាង កាង (Yang Guang) ដែលជា​អ្នកនាំពាក្យ​ការិយាល័យ​កិច្ចការ​ហុងកុង និង​ម៉ា​កាវ​នៃ​ក្រុមប្រឹក្សារដ្ឋ​ចិន បាន​ថ្លែង​នៅក្នុង សន្និសីទ​សារព័ត៌មាន​មួយ នាទី​ក្រុង​ប៉េកាំង​ថា អ្នក​ដែល​លេង​ជាមួយ​ភ្លើង​នឹងត្រូវ​វិនាស​ដោយសារ​ភ្លើង និង​បាន​បាន​ចោទប្រកាន់​ក្រុម​ចលនា​ប្រឆាំងនឹង​អាជ្ញាធរ​ចិនដីគោក​ថា​ជា «​មេក្លោង​នៅ​ពីក្រោយ​ឆាក​» ដែល​ញុះញង់​ឱ្យ​ផ្ទុះ​អំពើហិង្សា​នៅក្នុង​ទីក្រុង​ហុងកុង​។​

​ក្រុមបាតុករ​ ហុងកុង

ទីក្រុង​ហុងកុង បាន​ធ្លាក់​ទៅក្នុង​វិបត្តិ​នយោបាយ ជាង​ពីរ​ខែ​មកហើយ ដោយ​ចាប់ផ្ដើម​ពី ពី​ការតវ៉ា​ប្រឆាំងនឹង​សេចក្តីព្រាងច្បាប់ ស្តីពី​ការធ្វើ​បត្យាប័ន​ជនសង្ស័យ​ទៅ​ឲ្យ​អាជ្ញាធរ​ចិនដីគោក តែ​ក្រោយមក ការតវ៉ា បាន​វិ​វត្ត​ទៅជា​ចលនា​តវ៉ា​យ៉ាង​ទូលំទូលាយ សម្រាប់​កំណែទម្រង់​ប្រជាធិបតេយ្យ និង​ការការពារ​សិទ្ធិសេរីភាព ប្រឆាំងនឹង​រដ្ឋបាល​ទីក្រុង​កុង​ហុង ដោយ​ទាមទារ​ឲ្យ​លោកស្រី Carrie Lam ចុះ​ចេញពី​តំណែង​៕