កត្តា​អ្វីខ្លះ ដែល​អាច​ទ្រទ្រង់​វិស័យ​អចលនទ្រព្យ​នៅ​កម្ពុជា ឲ្យ​នៅតែ​រីកចំរើន​?

1251

ភ្នំពេញ​៖ វិស័យ​អចលនទ្រព្យ​នៅ​កម្ពុជា នៅតែ​បន្ដ​រីកចំរើន​ល្អ ហើយ​ការបន្ដ​រឹងមាំ និង​រីកចំរើន​នេះ គឺ​ផ្អែកទៅលើ​កត្តា ៤​យ៉ាង​។ នេះ​គឺជា​ទស្សនៈ​យល់ឃើញ​របស់លោក លោក ច្រឹ​ក សុខ​នី​ម ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា ប្រាប់​ទៅ​សារព័ត៌មាន​ហ្វេ​ស​ញ៉ូ កាលពីពេល​ថ្មីៗ​នេះ​។​

​លោក​បាន​លើកឡើងថា គ្រាន់តែ​នៅក្នុង​រាជធានី​ភ្នំពេញ ត្រូវបាន​ព្យា​ការណ៍​ថា នឹងត្រូវ​ការអភិវឌ្ឍ​សាងសង់​ផ្ទះល្វែង ជា​រៀងរាល់ឆ្នាំ ព្រោះ​បច្ចុប្បន្ន​នៅ​រាជធានី​ភ្នំពេញ នៅ​ខ្វះខាត​លំនៅដ្ឋាន ដើម្បី​បំពេញតម្រូវការ ក្នុងការ​រស់នៅ​របស់​ប្រជាជន នៅឡើយ​។​

មូលហេតុ​ដែល​នាំ​ឲ្យ​លោក ច្រឹ​ក សុខ​នី​ម ហ៊ាន​អះអាងថា វិស័យ​អចលនទ្រព្យ​នៅ​កម្ពុជា នៅតែ​រីកចំរើន និង​រឹងមាំ គឺ​សំអាង​លើ​កត្តា​សំខាន់ៗ ៤​យ៉ាង ដូចខាងក្រោម​នេះ​៖

កត្តា​ទី ១៖ ស្ថេរភាព​នយោបាយ​នៅ​ប្រទេស​កម្ពុ​ជាមាន​ភាពល្អប្រសើ​រ​។ តាម​ការសិក្សា វដ្ដ​នៃ​វិស័យ​អចលនទ្រព្យ នៅក្នុង​តំបន់​អាស៊ី ប្រែប្រួល​ក្នុង​រយៈពេល ២៥​ឆ្នាំ​ម្ដង ទើប​វិល​ត្រលប់​ចុះ​បន្តិចបន្តួច​វិញ​។ នៅ​កម្ពុជា ទើបតែ​រីកចំរើន​បាន​ប្រហែល ១០​ឆ្នាំ ប៉ុណ្ណោះ​។​

​កត្តា​ទី ២៖ ការវិវត្ត​ទៅមក​របស់​វិស័យ​អចលនទ្រព្យ ជាមួយ​គោលនយោបាយ​របស់​រាជ​រដ្ឋាភិបាល នៅ​រក្សា​ដដែល​ក្នុង​វិស័យនេះ​។​

​កត្តា​ទី ៣៖ គ្មាន​ការព្រួយបារម្ភ​អំពី​រឿង​នយោបាយ សម្រាប់​អ្នកវិនិយោគ ហើយ​ប្រជាពលរដ្ឋ​នៅតែ​បន្ត​ទិញ​លក់​ដី​។​

កត្តា​ទី ៤៖ ការផ្ដល់​ឥណទាន​ពី​ធនាគារ គ្រឹះស្ថាន​មីក្រូហិរញ្ញវត្ថុ ដើម្បី​វិនិយោគ​លើ​វិស័យ​ដីធ្លី នៅតែ​បន្ត និង​មានការ​លើកទឹកចិត្ត​។​

លោក ច្រឹ​ក សុខ​នី​ម បានធ្វើការ​ព្យាករណ៍​ថា នៅ​ឆ្នាំ​២០១៩ វិស័យ​អចលនទ្រព្យ​របស់​កម្ពុ​ជា នឹងមាន​កំណើន​ជា​មធ្យម ១៥​ភាគរយ​៕​