អ្នកចាំទី ស៊ូ យ៉ា​ទី​៖ “​មាន​អារម្មណ៍​មួយ​ស្រៀវៗ ខ្លាចៗ ….”

3649

ភ្នំពេញ​៖ បន្ទាប់ពី​ក្រុម Cambodia All Star បាន​យកឈ្នះ​ក្រុម​របស់​លី​គ​ថៃ Muangthong United ដោយ​លទ្ធផល ២-១ រួចមក អ្នកចាំទី​ក្រុម​ជម្រើសជាតិ​កម្ពុជា ស៊ូ យ៉ា​ទី ត្រូវបាន Fresh News ដកស្រង់​សម្ដី​ថា មាន​អារម្មណ៍​ញញើត​ក្នុង​ការចាប់​បាល់​នៅឡើយ បើ​ទោះ​បាន​ចូល​ហ្វឹកហាត់​ឡើងវិញ​នា​ចុងខែ​ធ្នូ​ហើយ​ក្តី​។​

អ្នកចាំទី​ក្រុម​ជម្រើសជាតិ​កម្ពុជាលោក ស៊ូ យ៉ា​ទី

លោក ស៊ូ យ៉ា​ទី បាន​ប្រាប់ថា “​របួស​សឹង​ជា ១០០​ភាគរយ​ទៅហើយ ប៉ុន្តែ​ដោយសារ​យើង​ធ្លាប់​របួស​អញ្ចឹង យើង​ចេះតែមាន​អារម្មណ៍​មួយ​ស្រៀវៗ ខ្លាចៗ បារម្ភ​ក្រែង​ត្រូវរបួស​ចាស់​ហ្នឹង​ម្ដងទៀត​។ រាល់ពេល​ហាត់ ឬ​ប្រកួត​អីហ្នឹង ខ្ញុំ​ប្រយ័ត្ន​ខ្លាំង​ដែរ ទាំង​ការ​រុំ​ដៃ​ឲ្យ​បានល្អ និង​ការពារ​ខ្លួន​ពេល​គេ​ទាត់​ម្ដងៗ​”​។​

គួរ​រំ​ម្លឹ​ក​ផងដែរ​ថា អ្នកចាំទី ស៊ូ យ៉ា​ទី បាន​រងរបួស​ប្រេះ​ឆ្អឹង​ប្រអប់ដៃ​ឆ្វេង ក្នុងជំនួប​បិទ​រដូវ​កាល​រវាង​ណាហ្គា​វើ​ល និង​វិសាខា នា​ខែកញ្ញា​ឆ្នាំ​២០១៨ ហើយ​រូបគេ​បាត់បង់​ឱកាស​ចូលរួម​ជាមួយ​ក្រុម​ជម្រើសជាតិ ក្នុង​ព្រឹត្តិការណ៍​ដ៏​ធំ​ប្រចាំ​តំបន់​អាស៊ីអាគ្នេយ៍ AFF Suzuki Cup 2018 ផងដែរ​៕