“​យក​ភ្នំ​ដោះ​ក្រមុំ​មកវិញ​” នេះ​ជា​បញ្ជា របស់​សម្តេច​តេ​ជោ ហ៊ុន សែន​

792

​ភ្នំពេញ​៖ មន្ត្រីជាន់ខ្ពស់​ម្នាក់ បាន​ប្រាប់​សារព័ត៌មាន Fresh News នៅថ្ងៃនេះ​ថា សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បានចេញ​បញ្ជា​យ៉ាង​ដាច់​ណាត់ ឲ្យ​លោក ស្វាយ សំ​អៀង អភិបាលខេត្ត​មណ្ឌលគិរី យក​ភ្នំ​ដោះ​ក្រមុំ​មក​គ្រប់គ្រង​វិញ ដោយ​មិនត្រូវ​ឲ្យ​មាន​នរណា​បំពាន ឬ​រំលោភ​យក​ធ្វើ​កម្មសិទ្ធិ​នោះឡើយ​។​

មូលហេតុ​ដែល​នាំ​ឲ្យ សម្តេច​តេ​ជោ ហ៊ុន សែន ចេញ​បញ្ជា បែបនេះ ដោយសារតែ គណបក្ស​ខ្មែរ​ជនជាតិដើម​កម្ពុជា បាន​រាយការណ៍ ពី​បញ្ហា​ការបំពាន​ភ្នំ​ដោះ​ក្រមុំ នៅ​ខេត្តមណ្ឌលគិរី នៅក្នុង​កិច្ចប្រជុំ​ជាមួយ​សមាជិក​ឧ​ត្ត​ម​ក្រុមប្រឹក្សា​ពិគ្រោះ និង​ផ្តល់យោបល់​នា​ថ្ងៃទី​២៨ ខែកុម្ភៈ​នេះ នៅ​វិមាន​សន្តិភាព​។​

​មន្ត្រីជាន់ខ្ពស់​រូបនោះ ត្រូវបាន Fresh News ស្រង់​សម្ដី​ថា «​ក្នុង​កិច្ចប្រជុំ​ជាមួយ​សមាជិក​ឧ​ត្ត​ម​ក្រុមប្រឹក្សា​ពិគ្រោះ និង​ផ្តល់យោបល់​នា​ថ្ងៃទី​២៨ ខែកុម្ភៈ​នេះ នៅ​វិមាន​សន្តិភាព​, ឆ្លើយតប​នឹង​ការលើកឡើង​របស់​គណ​បក្ស​ខ្មែរ​ជនជាតិដើម​កម្ពុជា បញ្ហា​ការបំពាន​ភ្នំ​ដោះ​ក្រមុំ ខេត្តមណ្ឌលគិរី សម្តេច​តេ​ជោ​បាន​បញ្ជា​ឲ្យ​អភិបាលខេត្ត​មណ្ឌលគិរី យកមក​វិញ ដោយ​មិនត្រូវ​ខ្លាច​នរណា​ទាំងអស់​»៕ ​