លោក គួច ចំរើន ប្រាប់មន្ត្រីឲ្យអនុវត្ត​តាមច្បាប់ កុំ​ធ្វើការ​តាម​ទម្លាប់​

389

ព្រះសីហនុ​៖ លោក គួច ចំរើន អភិបាលខេត្ត​ព្រះសីហនុ ដែល​ទើប​ឡើង​ថ្មី បាន​ផ្តាំផ្ញើ​ដល់​មន្ត្រី​ទាំងអស់ ឲ្យ​អនុវត្តតាម​តួនាទី​ភារកិច្ច​របស់ខ្លួន ឲ្យ​បាន​ខ្ជាប់ខ្ជួន មិនត្រូវ​ធ្វើការ​តាម​ទម្លាប់​នោះទេ គឺត្រូវធ្វើ​តាមច្បាប់ ដោយ​យក​ច្បាប់​ជា​គោល នៅក្នុង​កិច្ចប្រជុំ ជា​លើកដំបូង​ជាមួយ​មន្ត្រីរាជការ សាលាខេត្ត​ព្រះសីហនុ បន្ទាប់ពី​បានប្រកាស​ចូលកាន់​តំណែង​ជា​អភិបាលខេត្ត​ព្រះសីហនុ កាលពី​ព្រឹក​ថ្ងៃទី​០១ ខែកក្កដា ឆ្នាំ​២០១៩​កន្លងទៅនេះ​។​

​លើសពីនេះទៅទៀត លោក គួច ចំរើន បាន​គូសបញ្ជាក់ថា មិនមាន​កកាយ​រឿង​អតីតកាល​នោះទេ ពោល​មន្ត្រី​ទាំងអស់ ត្រូវ​ចាប់ដៃគ្នា​ធ្វើការ ចាប់ពីពេលនេះ​តទៅ ដើម្បី​អនុវត្ត​គោលការណ៍​ទាំង​១៣​ចំណុច ដែល​លោក​បាន​ដាក់ចេញ​ឲ្យ​ទទួលបាន​ជោគជ័យ​។​

​គោលការណ៍​ទាំង​១៣​ចំណុច របស់លោក គួច ចំរើន រួមមាន​៖

១៖ ប្តេជ្ញា​ខិតខំ​អនុវត្ត​អោយបាន​ម៉ឺងម៉ាត់​នូវ​រដ្ឋធម្មនុញ្ញ ច្បាប់ លិខិតបទដ្ឋាន​គតិយុត្តិ​ជា​ធរមាន និង​គោលការណ៍​ណែនាំ​នានា​របស់​រាជរដ្ឋាភិបាល ដែល​បាន​ដាក់ចេញ​ឲ្យ​មាន​ប្រសិទ្ធភាព​ខ្ពស់​

២៖ ប្តេជ្ញា​គោរព​គាំទ្រ និង​អនុវត្ត​ឱ្យបាន​ខ្ជាប់ខ្ជួន​នូវ​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៤ របស់​រាជរដ្ឋាភិបាល ក្រោម​ការដឹកនាំ​ប្រកបដោយ​គតិបណ្ឌិត​រប​ស់​​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា​

៣៖ ខិតខំ​គោរព និង​អនុវត្តតាម​គោលការណ៍​ដឹកនាំ​ចង្អុលបង្ហាញ និង​រាល់​ការ​ផ្តល់នូវ​អនុសាសន៍​ដ៏​ខ្ពង់ខ្ពស់​របស់​សម្តេច​ក្រ​ឡា​ហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​​មហាផ្ទៃ ក៏ដូចជា​ថ្នាក់ដឹកនាំ​ក្រសួង​នានា​ឱ្យបាន​ល្អ ដើម្បី​ពង្រឹង​ការគ្រប់គ្រង​ដឹកនាំ​ប្រកបដោយ​ប្រសិទ្ធភាព​តម្លាភាព​ក្នុងការ​បំពេញភារកិច្ច​នៅ​រដ្ឋបាល​ថ្នាក់ក្រោម​ជាតិ​

៤៖ បន្ត​ការខិតខំ​ទប់ស្កាត់ លុបបំបាត់​រាល់​បាតុភាព​អសកម្ម​នានា​ទាំងឡាយ​ដែល​ធ្វើឱ្យប៉ះពាល់ បង្ក​ការ​ថ្នាំងថ្នាក់​ដល់​ប្រជាពលរដ្ឋ​ចូលរួមចំណែក​លើក​កំពស់​ជីវភាព រស់នៅ សុខមាលភាព ​ការ​​កាត់បន្ថយ​ភាពក្រីក្រ​របស់​ប្រជាជន ស្របតាម​គោលនយោបាយ​របស់​រាជ​រដ្ឋាភិបាល​កម្ពុជា និង​ជាពិសេស​អនុសាសន៍​សម្តេច​តេ​ជោ «​ពង្រឹង​ការអនុវត្ត​ច្បាប់ គ្មាន​ការលើកលែង​»

៥៖ យកចិត្តទុកដាក់​រៀប​ចំ​កសាង និង​អភិវឌ្ឍន៍​លើ​វិស័យ​នានា​ក្នុង​ខេត្ត ពិសេស​ការរៀបចំ​កែលំអរ​សោភ័ណភាព​ទីក្រុង​ឆ្នេរសមុទ្រ និង​ទីប្រជុំជន​ក្នុង​ការចូលរួម​ប្រលងប្រណាំង ទីក្រុង​​ស្អាត ធានាបាន​នូវ​បរិស្ថាន​ល្អ ប្រកបដោយ​សក្តានុពល​សេដ្ឋកិច្ចសង្គម លើកស្ទួយ​ជីវភាព​រស់នៅ​ប្រកបដោយ​វិបុលភាព ផាសុខភាព​សុខមាលភាព​ជូន​ប្រជាជន​ទូទាំង​ខេត្ត​ប្រកបដោយ​ចីរភាព​និង​បរិ​យា​ប័ន្ន​

៦៖ ជំរុញ​ការអនុវត្ត​គោលនយោបាយ​ភូមិ​-​ឃុំ មាន​សុវត្ថិភាព ឲ្យ​កាន់​តែមាន​ប្រសិទ្ធភាព​ខ្ពស់ ដើម្បី​បន្ត​រក្សា​សន្តិសុខ សណ្តាប់ធ្នាប់​សង្គម រក្សា​ស្ថេរភាព​នយោបាយ និង​ភាព​សុខដុម​នីយកម្ម ជូន​​ប្រជាពលរដ្ឋ​ឱ្យ​កាន់តែ​ល្អប្រសើរ​ឡើង​ថែមទៀត យកចិត្តទុកដាក់ អនុវត្ត​គោលនយោបាយ​កំណែទម្រង់​ស៊ីជម្រៅ​មុត​ស្រួច ជាពិសេស​គោលនយោបាយ​វិមជ្ឈការ និង​វិសហមជ្ឈការ​ដើម្បី​ការអភិវឌ្ឍន៍ តាមបែប​ប្រជាធិបតេយ្យ​នៅ​ថ្នាក់ក្រោម​ជាតិ ស្របតាម​កម្មវិធី​ជាតិ រយៈពេល ១០​ឆ្នាំ ផែនការ​យុទ្ធសាស្ត្រ រយៈពេល ៥​ឆ្នាំ និង​កម្មវិធី​វិនិយោគ ៣​ឆ្នាំ​រំកិល ក្នុងតំណាក់កាល​បន្ត​ឲ្យ​ទទួលបាន លទ្ធផល​ជា​វិជ្ជមាន​

៨៖ ពង្រឹង​ថែរក្សា​ស្មារតី​សាមគ្គី ឯកភាព​ផ្ទៃក្នុង ជួរ​គណៈ​អភិបាល​បង្កើត​ទំនាក់ទំនង​ល្អជា​មួយក្រុម​ប្រឹក្សា រួមទាំង​ក្រសួង ស្ថាប័ន​អង្គភាព​ពាក់ព័ន្ធ អង្គការ​ដៃគូរ​អភិវឌ្ឍ លើក​កំពស់​សមត្ថភាព​ម​​ន្ត្រី​រាជការ​ស៊ីវិល មន្ត្រី​ជំនាញ កងកម្លាំងប្រដាប់អាវុធ ដើម្បី​ធានា​ឱ្យ​រដ្ឋបាលខេត្ត​អនុ​វត្តមាន​ភាពរលូន ពង្រឹង​ការគ្រប់គ្រង​ស្ថិតិ​ប្រជាពលរដ្ឋ​គ្រប់គ្រង​ស្ថិតិ​ជនអន្តោប្រវេសន៍ កម្មករ​ចំណាកស្រុក​ឱ្យ បានច្បាស់លាស់​

១០៖ ចូលរួម​សហ​ប្រ​ត្តិ​ការអនុវត្ត សេចក្តីសម្រេច​ស្តីពី​ការបង្កើត​គណៈកម្មាការ​ត្រួតពិនិត្យ​គុណភាព​សំណង់ នៅ​ខេត្ត​ព្រះសីហនុ​សំដៅ​ត្រត​ពិនិត្យ​បទដ្ឋាន បច្ចេកទេស បទដ្ឋាន​គតិយុត្តិ ស្តង់ដារ​​សំណង់ ស្តង់ដារ​សុវត្ថិភាព និង​គុណភាព​សំណង់ ព្រមទាំង​ត្រត​ពិនិត្យ​លក្ខណៈសម្បត្តិ​របស់​ក្រម​ទទួល​ម៉ៅការ​សាងសង់​

១១៖ ដឹកនាំ​មន្ត្រីរាជការ មន្ត្រី​ជំនាញ ដើម្បី​ធ្វើការ​អភិវឌ្ឍ​មូលដ្ឋាន និង​បម្រើសេវា​សាធារណៈ​ជូន​បងប្អូន​ប្រជាពលរដ្ឋ​ឱ្យបាន​ល្អប្រសើរ​

១២៖ សម្របសម្រួល​ស្ថាប័ន​មាន​សមត្ថកិច្ច ដើម្បី​ដោះស្រាយ និង​ស្វែងរក​យុត្តិធម៌​ជូន​ប្រជាពលរដ្ឋ​

១៣៖ ត្រៀមកម្លាំង​អន្តរាគមន៍ សម្រាប់​ដោះស្រាយ គ្រោះមហន្តរាយ និង​បញ្ហា​ផ្សេងៗ ដែល​អាច​កើតមានឡើង​ជាយថាហេតុ​៕​