បេក្ខជន​ប្រធានាធិបតី​អាមេរិក ថា លោក ដូ​ណា​ល់ ត្រាំ លើកមុខ​មាត់ ឱ្យ «​ជន​ផ្ដាច់ការ​»

399

Channel News Asia៖ បេក្ខជន​ប្រធានាធិបតី​អាមេរិក ត្រូវបាន បេក្ខជន​ប្រធានាធិបតី​អាមេរិក សម្រាប់​ការបោះឆ្នោត​ឆ្នាំ​២០២០ មកពី​គណបក្ស ប្រជាធិបតេយ្យ​ជាច្រើន​នាក់ រិះគន់ថា វា​ជា​ការលើក​មុខមាត់ និង​អំណាច​របស់​ជន​ផ្ដាច់ការ​។​

លោក Julian Castro

លោក Julian Castro បាន​រិះគន់ថា​៖ “​លោក ដូ​ណា​ល់ ត្រាំ បាន​លើក​មុខមាត់​មេដឹកនាំ​ផ្ដាច់ការ​ម្នាក់ គឺ លោក គីម ជុង​អ៊ុន តាមរយៈ​ជំនួប ៣ លើក​មកនេះ ដោយ​គ្មាន​បង្ហាញ​​ពី​ភាព​រីកចំរើន​ណាមួយ​សោះ​…​ចំណែកឯ​កូរ៉េខាងជើង​វិញ ក៏​មិនបាន​ធ្វើតាម​ការប្ដេជ្ញាចិត្ត នៅក្នុង​ជំនួប​មុនៗ​ដែរ​”​។

​គួរ​រំ​ម្លឹ​ក​ផងដែរ​ថា កាលពី​ថ្ងៃអាទិត្យ​កន្លងទៅនេះ លោក ដូ​ណា​ល់ ត្រាំ និង​លោក គីម ជុង​អ៊ុន បាន​ជួបគ្នា នៅឯ​តំបន់​ព្រំដែន គ្មាន​យោធា​នៃ​ប្រទេស​កូរ៉េ​ទាំង​២ ជាមួយ​ការ​ព្រមព្រៀងគ្នា ចាប់ផ្ដើម​បើក​កិច្ចចរចា​នុយក្លេអ៊ែរ ឡើងវិញ​។ បន្ថែម​ពីនេះ​ទៅទៀត តាមរយៈ​ជំនួប​នេះ លោក ដូ​ល​ណា​ល់ ត្រាំ បាន​ក្លាយជា​ប្រធានាធិបតី អាមេរិក​ទី​១ ដំបូង​បំផុត ដែល​បាន​ជាន់​ទឹកដី​កូរ៉េខាងជើង ខណៈ​លោក គីម ជុង​អ៊ុន ក៏ត្រូវ​បាន​គេ​រំពឹង​ដែរ​ថា អាច​នឹង​ក្លាយជា​មេដឹកនាំ​កូរ៉េខាងជើង​ដំបូង​គេ​បំផុត ដែល​យក​ជើង​ជាន់ ទឹកដី​សហរដ្ឋអាមេរិក ក្រោយ​លោក ដូ​ណា​ល់ ត្រាំ អះអាងថា​នឹង​អញ្ជើញលោក គីម ជុង​អ៊ុន មក​បំពេញ​ទស្សនកិច្ច​នៅ​សេត​វិមាន នាពេល​ស័ក្តិសម​ណាមួយ​៕​