ការរៀប​អភិសេក របស់​ព្រះ​នាង​ម្ចាស់ Mako ប្រទេស​ជប៉ុន ត្រូវ​ពន្យា​ពេល រហូតដល់​ឆ្នាំ​២០២០

2685

​តូ​ក្យូ​៖ តាម​ការចេញផ្សាយ​រប​ស់​សារព័ត៌មាន Japan Times នៅ​រសៀល​ថ្ងៃ​អង្គារ ទី​២២ ខែមករា ឆ្នាំ​២០១៩ បាន​ឲ្យ​ដឹងថា ការរៀប​អភិសេក​របស់ ព្រះ​នាង​ម្ចាស់​ជប៉ុន Mako និង​ជន​សាមញ្ញ​ជា​គូ​ដណ្ដឹង លោក Komuro ត្រូវបាន​ពន្យា​ពេល ដោយសារ​បញ្ហា​ហិរញ្ញវត្ថុ​។​

​តែ​ទោះជា​យ៉ាងណាក៏ដោយ លោក Komuro វ័យ ២៧​ឆ្នាំ បាន​បញ្ជាក់ថា គ្រួសារ​របស់លោក​បាន​ដោះស្រាយ​បញ្ហា​ហិរញ្ញវត្ថុ​រួចរាល់​ហើយ​។ ចំណែកឯ​ព្រះ​នាង​ម្ចាស់ Mako ព្រះជន្ម ២៧​វស្សា​ដូចគ្នា ក៏បាន​ទទួលដំណឹង​នេះដែរ និង នៅតែ​អះអាងថា អ្នក​ទាំងពីរ​នៅតែមាន​បំណង​រៀប​អភិសេក​នឹង​គ្នា​។​

គួរ​បញ្ជាក់ថា លោក Kei Komuro និង​ព្រះ​នាង​ម្ចាស់ Mako បានប្រកាស​ពី​ការភ្ជាប់​ពាក្យ​កាលពី​ខែកញ្ញា ឆ្នាំ​២០១៧ ហើយ​បាន​និយាយថា មាន​គម្រោង​រៀបការ​នៅ​ខែវិច្ឆិកា ឆ្នាំ​២០១៨​។ ប៉ុន្តែ​គម្រោង​នេះ​ត្រូវ​ពន្យារពេល​រហូតដល់​ឆ្នាំ ២០២០ បន្ទាប់ពី​មាន​សេចក្ដីរាយការណ៍​ថា ម្ដាយ​របស់លោក Komuro មាន​បញ្ហា​លុយកាក់ ក្នុងនោះ​រួមមាន​ទាំង​លុយ​ជំពាក់​អតីត​គូ​ដណ្ដឹង កូនប្រុស​របស់ខ្លួន​ចំនួន​៤​លាន​០៤​លាន​យ៉េន​នៅ​ចន្លោះ​ឆ្នាំ​២០១០ និង​២០១២ ផងដែរ​៕