ឌូបៃ៖ ក្រុមសាម៉ូរៃរបស់ជប៉ុន បានយកឈ្នះអារ៉ាប៊ីសាអូឌីត ១-០ ក្នុងវគ្គ១៦ក្រុមកាលពីយប់មិញ ហើយនិងបានឡើងទៅប៉ះក្រុមជម្រើសជាតិវៀតណាម នៅក្នុងវគ្គ៨ក្រុមចុងក្រោយ នៃពានរង្វាន់ជើងឯកប្រចាំទ្វីបអាស៊ី AFC Asian Cup 2019 នៅអារ៉ាប់រួម។
![](https://www.cambodianews.today/wp-content/uploads/2019/01/fn-2019-01-22-11-07-18-0.jpg)
កីឡាករខ្សែបម្រើ Tomiyasu បានតែតបញ្ចូលទីបានតែ ១គ្រាប់ ជួយឲ្យក្រុមជម្រើសជាតិ ជប៉ុន ឈ្នះអារ៉ាប៊ីសាអូឌីត ឡើងទៅជួបក្រុមជម្រើសជាតិវៀតណាមនៅថ្ងៃទី២៤ ខែមករា ឆ្នាំ២០១៩ ដែលជាក្រុមបានទម្លាក់ហ្ស៊កដានី ៤-២ ដោយបាល់ប៉េណាល់ទីកាត់សេចក្តី ក្រោយប្រកួត ១២០នាទី ស្មើគ្នា ១-១។
![](https://www.cambodianews.today/wp-content/uploads/2019/01/fn-2019-01-22-11-07-18-1-1024x576.jpg)
ជប៉ុន ជាក្រុមដែលធ្លាប់ឈ្នះជើងឯកពានប្រចាំទ្វីបនេះបាន ៤ដងច្រើនជាងគេ នឹងត្រូវតតាំងជាមួយក្រុមដែលកំពុងឈរនៅលេខ១ ប្រចាំតំបន់អាស៊ាន វៀតណាម ក្រៅពីថៃបានហាលអាវទៅហើយនោះ ខណៈពួកគេ (វៀតណាម) ទើបតែ ឈ្នះពាន AFF Suzuki Cup 2018 ក្រោយយកឈ្នះម៉ាឡេស៊ីនៅវគ្គផ្តាច់ព្រ័ត្រ តែមិនទាន់បានឈ្នះពាន Asian Cup ម្តងនៅឡើយទេ បូករួមទាំងរងជើងឯកទៀតផង។
![](https://www.cambodianews.today/wp-content/uploads/2019/01/fn-2019-01-22-11-07-18-3-1024x714.jpg)
គួរបញ្ជាក់ផងថា នៅពេលនេះ រកឃើញ៦ក្រុមហើយ ដើម្បីឡើងទៅវគ្គ៨ក្រុម ដែលរួមមាន ចិន ប៉ះអ៊ីរ៉ង់, វៀតណាម ប៉ះជប៉ុន និងម្ចាស់ផ្ទះអារ៉ាប់រួម ត្រូវជួបក្រុមការពារជើងឯកអូស្ត្រាលី៕