ធនាគារជាតិ ថា នឹង​ខិតខំ​ប្រឹងប្រែង​ប្រឆាំង “​ការលាង​លុយកខ្វក់​” ដើម្បី​ដក​កម្ពុជា​ចេញពី​បញ្ជី​ប្រផេះ​ ឲ្យបានលឿនបំផុត

1032

ភ្នំពេញ​៖ ធនាគារជាតិ​នៃ​កម្ពុជា (NBC) បានដាក់​ឲ្យ​ដំណើរការ​យុទ្ធសាស្ដ្រ​ជាតិ ស្ដីពី​ការប្រឆាំង ការសម្អាត​ប្រាក់ និង​ហិរញ្ញប្បទាន​ភេរវកម្ម (ML-FT) ឆ្នាំ ២០១៩-២០២៣ របស់ខ្លួន​កាលពី​ថ្ងៃទី​១៤ ខែមីនា កន្លងទៅនេះ បន្ទាប់ពី​អង្គការ​ឃ្លាំមើល​ការលាង​លុយ​ពិភពលោក (FATF) បានប្រកាស​ដាក់​ប្រទេស​កម្ពុជា ក្នុង​បញ្ជី​ប្រផេះ ព្រោះ​យល់ឃើញថា ប្រទេស​កម្ពុជា មាន​ភាព​ងាយ​នឹង​ទទួលរង​គ្រោះ ពី​សកម្មភាព​លាង​លុយ កាលពី​ថ្មីៗ​នេះ​។​

លោក ជា ចាន់តូ

​លោក ជា ចាន់តូ ទេសាភិបាល​ធនាគារជាតិ បាន​ឲ្យ​ដឹងថា យុទ្ធសាស្ដ្រ​ជាតិ​សម្រាប់​ការប្រឆាំង ML-FT ឆ្នាំ ២០១៩-២០២៣ ជា​ត្រីវិស័យ​ដល់​ភាគី​ពាក់ព័ន្ធ​ទាំងអស់​ក្នុង​ការធ្វើការងារ​ស្របតាម​ការទទួលខុសត្រូវ​រៀងៗ​ខ្លួន ដើម្បី​ឲ្យ​ប្រព័ន្ធ​ប្រឆាំង​ការសម្អាត​ប្រាក់ និង​ហិរញ្ញប្បទាន​ភេរវកម្ម មាន​ភាពរឹងមាំ និង​អាច​ឲ្យ​កម្ពុជា​ចូលរួមចំណែក​ជាមួយ​ប្រទេស​នានា​ក្នុង​ការពង្រឹង​ប្រព័ន្ធ​ប្រឆាំង​ការសម្អាត​ប្រាក់ និង ហិរញ្ញប្បទាន​ប្រឆាំង​ភេរវកម្ម​របស់​ពិភពលោក​ផងដែរ​។​

​ជាពិសេស​លោក ជា ចាន់តូ បា​នស​ង្គ​ត់​ធ្ងន់​ថា​៖ “​គ្រប់ភាគី​ពាក់ព័ន្ធ​ទាំងអស់ ចាំបាច់​ត្រូវ​បន្ត​ខិតខំ​ប្រឹងប្រែង និង​រួម​សាមគ្គី​គ្នា អនុវត្ត​ការងារ​បន្ថែមទៀត ដើម្បី​អាច​ឲ្យ​ប្រទេស​កម្ពុជា ត្រូវ​ដកចេញ​ពី​បញ្ជី​ប្រផេះ ក្នុងពេល​វេលា​ដ៏​ឆាប់​បំផុត​៕