សម្ដេច​តេ​ជោ ហ៊ុន សែន​៖ “(​លោក សម រង្សី​) នឹកស្មានថា​សម្ដេច​ក្រឡា​ហោម ល្ងង់​ណាស់​ទៅ​អី​?”

1129

​ភ្នំពេញ​៖ សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​ប្រាប់​ទៅ​លោក សម រ​ង្ស៉ី ដែល​កំពុង​ជ្រកកោន​នៅក្រៅ​ប្រទេស​នោះ​ថា សម្ដេច​ក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រី​ក្រសួងមហាផ្ទៃ មិន​ល្ងង់​ទៅធ្វើ​រដ្ឋប្រហារ​ទម្លាក់​នា​យក​រដ្ឋមន្ដ្រី​នោះទេ​។​

​សម្ដេច​តេ​ជោ​នាយករដ្ឋមន្ដ្រី បាន​ថ្លែង​បែបនេះ កាលពី​ព្រឹក​ថ្ងៃទី​២២ ខែមេសា ឆ្នាំ​២០១៩​នេះ ក្នុងឱកាស​ដែល​សម្ដេច​អញ្ជើញ​ចូលរួម​ពិធីបើកការដ្ឋាន​សាងសង់ អគារ​ច្រកទ្វារព្រំដែន​អន្តរជាតិ​ស្ទឹង​បត់ និង​ផ្លូវ​ត​ភ្ជាប់​ទៅ​ផ្លូវជាតិ​លេខ​៥ នៅលើ​ទឹកដី​ក្រុង​ប៉ោយប៉ែត ខេត្តបន្ទាយមានជ័យ ជាប់​នឹង​ព្រំដែន​ប្រទេស​ថៃ ដែល​អតីត​តំបន់​សមរភូមិ តែ​បច្ចុប្បន្ន​ពោរពេញ​ដោយ​សន្ដិភាព និង​ការអភិវឌ្ឍ​។​

សម្ដេច​តេ​ជោ ហ៊ុន សែន

​សម្ដេច​តេ​ជោ ហ៊ុន សែន បាន​មានប្រសាសន៍​យ៉ាង​ដូច្នេះ​ថា «​សម្ដេច​ក្រឡាហោម ស ខេង ដែល​គេ​ប្រើ​គាត់ ឲ្យ​ធ្វើ​រដ្ឋប្រហារ​ទម្លាក់​ខ្ញុំ គឺ​ក៏​មិនចាំបាច់​ឆ្លើយតប ជាមួយ​អា​ឡប់​ណា​ទេ​។ វា​មិនដែល​ម៉ែ​អាណា ឧបនាយករដ្ឋមន្ដ្រី ផ្ដួល​នាយករដ្ឋមន្ដ្រី មានន័យថា​ស្មើនឹង​អី មានន័យ​ស្មើនឹង​រដ្ឋប្រហារ ចេះ​ប្រើ​គេ​ទៅរួច រួចហើយ​រដ្ឋប្រហារ​យ​ក​អំណាច​ឲ្យ​ពី​ណា យក​អំណាច​ទៅ​ឲ្យ​វា​»​។​

​សម្ដេច​តេ​ជោ បាន​បន្តទៀតថា​៖ «​ចឹ​ង​មិនចាំបាច់​សម្ដេច​ក្រឡាហោម​ឆ្លើយតប​ទេ ព្រោះ​យើង​បាន​ឯកភាពគ្នា ថ្ងៃមុន ចូលទៅ​ប្រជុំ​គណៈរដ្ឋមន្ដ្រី​ថា បាច់​ឆ្លើយ​ជាមួយ​វា​ទេ កុំ​ឆ្លើយ​ជាមួយ​វា តែ​មិន​ឆ្លើយ​ជាមួយ​វា គឺ​វា​សាបសូន្យ​ទៅ​ខ្លួនឯង​តែម្ដង​។ វា​មិនដែល​ម៉ែ​អាណា ទីមួយ​ឲ្យ​គេ​ធ្វើ​បក្ស​ប្រហារ ព្រោះ​អនុប្រធាន​បក្ស​ទម្លាក់​ប្រធាន​បក្ស មិន​បក្ស​ប្រហារ ប៉ុន្ដែ​អា​ធ្ងន់​ជាងគេ ឧបនាយករដ្ឋមន្ដ្រី ធ្វើ​រដ្ឋប្រហារ​ទម្លាក់​នា​យក​រដ្ឋមន្ដ្រី មានន័យថា រដ្ឋប្រហារ ចេះតែ​ប្រើ​គេ​ទៅរួច ចេះ​និយាយ​ទៅ​កើត តែ​លូវ​សូម​ឲ្យ​អ្នក​ទាំងអស់គ្នា​ស្ងាត់ស្ងៀម​»​។​

​លោក សម រង្ស៊ី

គួរ​រំ​ម្លឹ​ក​ផងដែរ​ថា ការអំពាវនាវ​របស់​លោក សម រង្ស៊ី តាមរយៈ​ការ​បង្ហោះ​សារ​នៅក្នុង​ទំព័រ​ហ្វេ​ស​ប៊ុ​ក​កន្លងមក ត្រូវបាន​សម្ដេច​តេ​ជោ ហ៊ុន សែន ណែ​នាំទៅ​សមត្ថកិច្ច និង​អាជ្ញាធរ​ដែលមាន​ការពា​ក់​ព័ន្ធ តាមដាន​មើល​ក្រែង​មាន​ចលនា​ខុសច្បាប់​ណាមួយ​កើតឡើង ហើយ​ប្រសិន​ជាមាន ត្រូវកម្ទេច និង​មិន​អនុញ្ញាត​ឲ្យ​មាន​ជាដាច់ខាត​៕