លោក សួន បវរ អស់តំណែង បានសម្រេច ដោយសារតែ​រឿង​ស៊ីចុក​ជាមួយ​ស្ត្រី​ម្នាក់ រួច​ចង់​ទាត់ចោល​

940

ភ្នំពេញ​៖ តំណែង​របស់លោក លោក សួន បវរ អភិបាលខេត្ត​បន្ទាយមានជ័យ នឹងត្រូវ​ជំនួស​ដោយ លោក អ៊ុំ រាត្រី អភិបាលរង​ខេត្ត នៅ​ថ្ងៃទី​១០ ខែឧសភា ឆ្នាំ​២០១៩ ខាងមុខ​នេះហើយ ក្រោម​អធិបតីភាព សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ​។​

​ការ​អស់តំណែង​ជា​អភិបាលខេត្ត​បន្ទាយមានជ័យ របស់លោក សួន បវរ ដោយសារតែ​ស្ត្រី​ម្នាក់ បាន​ទម្លាយ​នូវ​រឿង​លោក សួន បវរ បាន​ស៊ីចុក​ជាមួយ​នាង​អស់​រយៈពេល​៥​ឆ្នាំ ហើយ​បែរជា​ចង់​ទាត់ចោល នៅ​លើក​ប្រព័ន្ធ​ផ្សព្វផ្សាយ​សង្គម​ហ្វេ​ស​ប៊ុ​ក ដ៏​មាន​ឥទ្ធិពល​កាលពី​ថ្មីៗ​កន្លងទៅនេះ​។​

​ក្រោយ​បែកធ្លាយ​រឿង​ចំណងស្នេហា​ក្រៅ​ប្រព័ន្ធ​នេះ​រួចមក សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បានធ្វើការ​ទូលថ្វាយ​ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ​កម្ពុជា ដើម្បី​ស្នើ​ផ្ទេរ​ភារកិច្ច លោក សួន បវរ ឱ្យមក​បម្រើ​ការងារ​នៅ​ក្រសួងមហាផ្ទៃ ហើយ​តែងតាំង​អភិបាលរង​ខេត្ត លោក អ៊ុំ រាត្រី ជា​អភិបាលខេត្ត​ជំនួស​វិញ​។​

​គួ​រំ​ម្លឹ​ក​ផងដែរ​ថា ស្ត្រី​ក្នុង​វ័យ​៤១​ឆ្នាំ​ម្នាក់ បាន​អះអាង​តាមរយៈ​គណនី​ហ្វេ​ស​ប៊ុ​ក​ឈ្មោះ So Phy ថា​លោក សួន បវរ អភិបាលខេត្ត​បន្ទាយមានជ័យ យក​គាត់​ជា​គូរ​ស្នេហ៍​អស់​រយៈ​៥​ឆ្នាំ​ហើយ ឥឡូវ​លោក​អភិបាលខេត្ត​រូបនេះ បាន​ឲ្យ​គាត់​ឈប់​ទាក់ទង​ទៅ​លោក​ទៀត ហើយ​រក​ចាប់គាត់​ដាក់គុក​ទៀតផង​។ ស្ត្រី​រូបនេះ បាន​ឲ្យ​សារព័ត៌មាន និង​គេហទំព័រ​ក្នុងស្រុក​ដឹងថា គាត់​និង​លោក សួន បវរ បាន​ស្គាល់គ្នា​ចាប់តាំងពី​ឆ្នាំ​២០១៣​មកម្ល៉េះ តែ​មិនសូវ​ជិតស្និទ​នោះទេ រហូតដល់​ថ្ងៃទី​៨ ខែមីនា ឆ្នាំ​២០១៥ គាត់​និង​លោក សួន បវរ បានរួម​រស់នៅ​ជាមួយគ្នា ដូចជា​ប្តី​ប្រពន្ធ​អីចឹង​៕ ​