គណៈកម្មការ​អឺរ៉ុប (EU) ថា សង្គ្រាម​ពាណិជ្ជកម្ម ចិន​អាមេរិក កំពុង​គំរាមកំហែង​សេដ្ឋកិច្ច​របស់​អាមេរិក​

484

​ព័ត៌មាន​ចិន​ស៊ីន​ហួរ​៖ គណៈកម្មការ​អឺរ៉ុប (EU) បាន​បញ្ចេញ​របាយការណ៍​ចុងក្រោយ​មួយ នៅ​ថ្ងៃ​អង្គារ​ទី​៧ ខែឧសភា​នេះ​ថា ភាព​តានតឹង​នៃ សង្គ្រាម​ពាណិជ្ជកម្ម ចិន​អាមេរិក ព្រមទាំង​ការ​នៅតែ​បន្ត​ប្រកាន់យក គោលនយោបាយ​បែប​គាំពារ​និយម គឺ​ស្ថិតនៅ​ក្នុងចំណោម​ហានិភ័យ​ខ្ពស់ៗ ចំពោះ​សេដ្ឋកិច្ច​របស់​សហរដ្ឋ​អាមេរិក​ខ្លួនឯង​។

​គណៈកម្មការ​អឺរ៉ុប ដែលជា​អង្គ​ប្រតិបត្តិ​ដ៏​សំខាន់​មួយ​នៃ​សហភាព​អឺរ៉ុប (EU) នោះបាន​សរសេរ​នៅក្នុង​របាយការណ៍​សេដ្ឋកិច្ច​ចុងក្រោយ​របស់ខ្លួន​ថា សហរដ្ឋអាមេរិក​កំពុង​ធ្វើ​សកម្មភាព​នានា ដើម្បី​ជម្រុញ​ឲ្យ​សេដ្ឋកិច្ច​ខ្លួន កាន់​តែមាន​សក្តានុពល ប៉ុន្តែ​វា​បែរជា​ជះ​ផល​អវិជ្ជមាន​ទៅវិញ នោះ​គឺ​ទៅលើ​នយោបាយ​ម៉ាក្រូសេដ្ឋកិច្ច ដែល​ត្រូវបាន​ក្រុម​អ្នកជំនាញ​មើលឃើញថា សេដ្ឋកិច្ច​អាមេរិក នឹង​ជួប​ឱនភាព​នៅពេល​ខាងមុខ​នេះ​។​

សង្គ្រាម​ពាណិជ្ជកម្ម ចិន​អាមេរិក

​បើតាម​ការ​គណនា​រប​ស់​គណៈកម្មការ​អឺរ៉ុប (EU) សហរដ្ឋអាមេរិក​ទទួល​បាន​កំណើត​សេដ្ឋកិច្ច​តែ ២.៩​ភាគរយ​ប៉ុណ្ណោះ នៅក្នុង​ឆ្នាំ​២០១៨ ហើយ​វា​នឹង​ធ្លាក់​ចុះមក​នៅត្រឹម ២.៤​ភាគរយ នៅ​ឆ្នាំ​២០១៩ និង ១.៩​ភាគរយ​នៅ​ឆ្នាំ​២០២០​។​

​របាយការណ៍​សេដ្ឋកិច្ច​របស់​គណៈកម្មកា​រ​អឺរ៉ុប (EU) ដដែល​បាន​រម្លឹកថា​៖ “​ភាពមិនច្បាស់លាស់​នៅក្នុង​កិច្ចខិតខំ​ប្រឹងប្រែង ដោះស្រាយ​វិវាទ សង្គ្រាម​ពាណិជ្ជកម្ម រវាង​ប្រទេស​ចិន និង​សហរដ្ឋអាមេរិក នៅតែមាន​កម្រិត​ខ្ពស់ ខណៈ​នយោបាយ​គាំពារ​និយម​ប្រកបដោយ​ហានិភ័យ នៅតែ​កំពុង​បន្ត​អនុវត្តន៍ ក្នុង​គោលនយោបាយ​ពាណិជ្ជកម្ម​របស់​សហរ​ដ្ឋ​អាមេរិក​…”​។

សង្គ្រាម​ពាណិជ្ជកម្ម ចិន​អាមេរិក

ហេតុដូច្នេះ​សហភាព​អឺរ៉ុប​បានធ្វើ​ការព្រមាន ចំពោះ​គោលនយោបាយ​គ្រប់គ្រង​រូបិយវត្ថុ​របស់​​សហរដ្ឋអាមេរិក ដែល​អាច​បង្ក​ឲ្យ​មាន​អតុល្យភាព និង​ភាព​ងាយ​រងគ្រោះ​កាន់តែ​ធ្ងន់ធ្ងរ បង្កឡើង​ដោយ​វិវាទ សង្គ្រាម​ពាណិជ្ជកម្ម ចិន​អាមេរិក ដែល​មិនទាន់​រក​ច្រកចេញ​ឃើញ​នោះ​៕​