សហរដ្ឋអាមេរិក កំពុង​ប្លន់​យក​ប្រេង ពី​ប្រទេស​ស៊ី​រី​

345

សហរដ្ឋអាមេរិក បាន និង​កំពុង​ប្លន់​យក​ប្រេង​ដោយ​ខុសច្បាប់ ពី​ប្រទេស​ស៊ី​រី ដោយមាន​ជំនួយ​ពី ក្រុម​ឧទ្ទាម​ឃើដ ដែល​ខ្លួន​បាន​បណ្ដុះបណ្ដាល​។​

​កងកម្លាំងក្រុមឧទ្ទាម​​ឃើ​ដ បានទទួល​ជំនួយ​ជា​អាវុធ​ពី​អាមេរិក ជា​ថ្នូរ​នឹង​ការជួយ​ដឹកជញ្ជូន​ប្រេង​របស់​ប្រទេស​ស៊ី​រី ដោយ​ខុសច្បាប់​ទៅកាន់ តំបន់​ទន្លេ Euphrates ចេញពី​តំបន់ ប្រេង al-Omar, Conaco និង Tanak ឲ្យ​ទៅ​អាមេរិក​។​

ទីតាំងប្រេង ​របស់​ប្រទេស​ស៊ី​រី

ក្រុម​ឧទ្ទាម​ដែល​សហរដ្ឋអាមេរិក បាន​បណ្ដុះបណ្ដាលនេះ ក៏​ទទួលបាន​ការបណ្ដុះបណ្ដាល​ពី​របៀប​បំផ្លាញ រដ្ឋា​រចនាសម្ព័ន្ធ​ប្រេង និង​ឧស្ម័ន ព្រមទាំង​វិធីសាស្ត្រ​ ក្នុងការវាយប្រហារ​ប្រឆាំង នឹង​កងកម្លាំង​រដ្ឋាភិបាល​ប្រទេស​ស៊ី​រី​ផងដែរ​។​

​អ្វីដែល​បាន​រៀបរាប់​ខាងលើនេះ គឺជា​អ្វីដែល​ប្រទេស​រុស្ស៊ី បាន​រកឃើញ​តាមរយៈ​ការស៊ើបអង្កេត​របស់ខ្លួន ហើយ​ត្រូវបាន​លោក លោក​ឧ​ត្ត​ម​សេនីយ៍​ឯក Sergei Rudskoy ប្រធាន​នាយកដ្ឋាន​ប្រតិបត្តិការ​ពិសេស នៃ​អគ្គសេនាធិការ​យោធា​រុស្ស៊ី ធ្វើការ​បញ្ជាក់​នៅក្នុង​សន្និសីទ​សារព័ត៌មាន​មួយ ដែល​បាន​សារព័ត៌មាន Sputnik ដកស្រង់​យកមក​ផ្សាយ​កាលពី​ថ្ងៃ​ចន្ទ ទី​២៩ ខែកក្កដា ឆ្នាំ​២០១៩ កន្លងទៅនេះ​៕​

លោក​ឧ​ត្ត​ម​សេនីយ៍​ឯក Sergei Rudskoy