ទីក្រុងវ៉ាស៊ីនតោន (Channel News Asia)៖ សង្គ្រាមរវាងសហរដ្ឋអាមេរិក និងអ៊ីរ៉ង់ ត្រូវបានលោក ប្រធានាធិបតីអាមេរិកលោក ដូណាល់ ត្រាំ ប្រាប់អ្នកសារព័ត៌មានថា “សង្ឃឹមថា នឹងមិនកើតមានឡើងឡើយ” ខណៈលោក កំពុងទទួលស្វាគមន៍ប្រធានាធិបតីស្វីស លោក យូអេលី ម៉ូរើ (Ueli Maurer) ដែលបំពេញទស្សនកិច្ចមកកាន់សហរដ្ឋអាមេរិក កាលពីថ្ងៃព្រហស្បតិ៍ទី១៦ ខែឧសភា ឆ្នាំ២០១៩កន្លងទៅនេះ។
![](https://www.cambodianews.today/wp-content/uploads/2019/05/fn-2019-05-17-09-39-21-0-1024x556.jpg)
គួររំម្លឹកផងដែរថា នាវាផ្ទុកយន្ដហោះចម្បាំង យន្ដហោះទម្លាក់គ្រាប់បែក និងប្រព័ន្ធមីស៊ីលអាមេរិកត្រូវបានដាក់ ពង្រាយរួចជាស្រេចទៅកាន់តំបន់មជ្ឈិមបូព៌ា បន្ទាប់ពីភាពតានតឹងបានកើតមានឡើងរវាង អាមេរិក និងអ៊ីរ៉ង់ ដោយអាមេរិកយល់ថា អ៊ីរ៉ង់ អាចបំផ្លាញផលប្រយោជន៍របស់ខ្លួន នៅក្នុងតំបន់មជ្ឈិមបូព៌ា។
![](https://www.cambodianews.today/wp-content/uploads/2019/05/fn-2019-05-17-09-40-14-1-1024x535.jpg)
ខណៈដែលទីបញ្ជាការកណ្ដាលកងទ័ពអាមេរិក ក៏បានដាក់ឱ្យកងទ័ពអាមេរិក នៅអ៊ីរ៉ាក់ និងស៊ីរី ឲ្យស្ថិតនៅក្នុងលក្ខណៈប្រុងជើងការខ្ពស់រួចហើយ តើហេតុអ្វី អាមេរិក មិនព្រមធ្វើសង្គ្រាមនេះ?
- សង្គ្រាមនៅអ៊ីរ៉ាក់ កាលពីឆ្នាំ២០០៣ គឺជាកំហុសដ៏ធំមួយ នៅក្នុងប្រវត្តិសាស្ត្ររបស់អាមេរិករួចទៅហើយ។ មេរៀនរបស់លោក ចច ប៉ូស (George W. Bush) បានព្រមាន អាមេរិកថា មិនគួរធ្វើសង្គ្រាមនេះទេ។
- រដ្ឋបាលរបស់លោក ដូណាល់ ត្រាំ ប្រហែលជាត្រូវគេហាមឃាត់ ចំពោះការគំរាមកំហែង ដោយការធ្វើសង្គ្រាមជាមួយប្រទេសអ៊ីរ៉ង់ ហើយប្រជាជនអាមេរិក ក៏មិនគាំទ្រផងដែរ។
- លោក ដូណាល់ ត្រាំ ផ្ទាល់មិនចូលចិត្តប្រើអន្តរាគមន៍ដោយយោធា និងបានព្យាយាមដកកងកម្លាំងអាមេរិក ពីប្រទេសស៊ីរី និងអាហ្វហ្គានីស្ថាន។ វាហាក់ដូចជាមិនទំនងទេថា លោក ដូណាល់ ត្រាំ នឹងធ្វើសង្គ្រាម ជាមួយប្រទេសដែលមានអាវុធនុយក្លេអ៊ែរ និងមានប្រជាជនជិត ៨២ លាននាក់នោះទេ។
- លោក ដូណាល់ ត្រាំ មិនមានអំណាចស្របច្បាប់ណាមួយ ដើម្បីធ្វើសង្គ្រាមជាមួយអ៊ីរ៉ង់ឡើយ គឹមិនមែនមកពីសភា និងក៏មិនមែនមកពីអង្គការសហប្រជាជាតិដែរ គឺខុសពីសង្គ្រាមនៅអ៊ីរ៉ាក់ ដែលមានការសហប្រជាជាតិ ផ្ដល់អំណាចស្របច្បាប់ដល់ការធ្វើសង្គ្រាមនោះ។
- លោក ដូណាល់ ត្រាំ មិនមានសម្ព័ន្ធមិត្តទេ ហើយតាមការពិតលោក ដូណាល់ ត្រាំ បានដាក់ទណ្ឌកម្មលើ សហភាពអឺរ៉ុប, កាណាដា, ម៉ិកស៊ិក, កូរ៉េខាងត្បូង និងប្រទេសជាច្រើនទៀត ហើយធំបំផុតពីលើនេះទៀតនោះ គឺជម្លោះពាណិជ្ជកម្មជាមួយប្រទេសចិន
- អាមេរិក មានតែចក្រភពអង់គ្លេស ដែលជាសម្ព័ន្ធមិត្ត តែអង់គ្លេស កំពុងតែមានបញ្ហារឿង Brexit ដែលដោះស្រាយមិនទាន់ចេញផង៕