តូក្យូ (REUTERS)៖ ការដែលអាមេរិកបិទផ្លូវមិនឲ្យក្រុមហ៊ុនបច្ចេកវិទ្យាដ៏ធំរបស់ចិន Huawei ទិញបច្ចេកវិទ្យាសំខាន់ៗរបស់អាមេរិក បានជះឥទ្ធិពលដល់សេដ្ឋកិច្ចរបស់ប្រទេសជប៉ុន ដោយផ្ទាល់និងដោយប្រយោល។
ហេតុអ្វី?
នៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំគណៈរដ្ឋមន្ត្រីរបស់ប្រទេសជប៉ុន នៅថ្ងៃទី១៧ ឧសភានេះ លោក Taro Aso រដ្ឋមន្ត្រីក្រសួងហិរញ្ញវត្ថុជប៉ុន បានឲ្យដឹងថា បិទផ្លូវមិនឲ្យក្រុមហ៊ុនបច្ចេកវិទ្យា Huawei ទិញបច្ចេកវិទ្យាសំខាន់ៗរបស់អាមេរិក ពិតជាអាចប៉ះពាល់ដល់ក្រុមហ៊ុនជប៉ុន និងកំណើនសេដ្ឋកិច្ចរបស់ជប៉ុន។
![](https://www.cambodianews.today/wp-content/uploads/2019/05/tara-aso-japanese-finance-minister.jpg)
លោក Taro Aso បានបន្តទៀតថា “មានក្រុមហ៊ុនជប៉ុន ដែលបានផ្គត់ផ្គង់គ្រឿងបន្លាស់ដល់ក្រុមហ៊ុន Huawei ហើយខ្សែសង្វាក់ផលិតកម្មវិញ គឺបានវ័ណ្ណចូលគ្នាយ៉ាងស្មុកស្មាញ។ តាមរយៈខ្សែសង្វាក់ផ្គត់ផ្គង់បែបនេះ វាអាចមានផលប៉ះពាល់ផ្ទាល់ និងប្រយោលមកលើប្រទេសជប៉ុន”។
![](https://www.cambodianews.today/wp-content/uploads/2019/05/Huawei-2.jpg)
គួររំម្លឹកផងដែរថា រដ្ឋបាលរបស់លោក ដូណាល់ ត្រាំ (Donald Trump) កាលពីថ្ងៃព្រហស្បតិ៍នេះប្រកាសជាផ្លូវការដាក់បញ្ចូលក្រុមហ៊ុន Huawei របស់ចិន ទៅក្នុងបញ្ជីខ្មៅពាណិជ្ជកម្ម ដែលបានអនុម័តភ្លាមៗ ចំពោះការរឹតបន្តឹងនេះ ដែលនឹងធ្វើឱ្យមានការលំបាកយ៉ាងខ្លាំងសម្រាប់ក្រុមហ៊ុនទូរគមនាគមន៍ដ៏ធំរបស់ចិន Huawei ដើម្បីធ្វើពាណិជ្ជកម្មជាមួយក្រុមហ៊ុននៅក្នុងប្រទេសអាមេរិក៕