ប្រទេសរុស្ស៊ី៖ ស្ត្រីម្នាក់រស់នៅក្នុងភូមិមួយ នៅក្នុងស្រុក Malopurginsky នៃ Udmurtia ក្នុងប្រទេសរុស្ស៊ី បានស្លាប់យ៉ាងអនោចអធម បន្ទាប់ពីនាងត្រូវបានសត្វជ្រូកវាយប្រហារហើយស៊ីជាអាហារទាំងរស់។
ស្ត្រីរងគ្រោះដែលមិនត្រូវបានបង្ហាញអត្តសញ្ញាណ មានអាយុ ៥៦ ឆ្នាំត្រូវបានគេជឿថា ជំងឺប្រកាច់ជំងឺឆ្កួតជ្រូក ហើយបានធ្លាក់ចូលទ្រុងជ្រូកនៅថ្ងៃទី១ ខែកុម្ភៈ។ នេះបើតាមប្រព័ន្ធផ្សព្វផ្សាយរុស្ស៊ីនិងសារព័ត៌មាន Sky News បានចេញផ្សាយកាលពីថ្ងៃសុក្រទី៨ ខែកុម្ភៈ។
ពេលដែលស្ត្រីរងគ្រោះធ្លាក់ចូលក្នុងទ្រុងជ្រូកនោះ សត្វជ្រូកចាប់ផ្ដើមវាយប្រហារលើជនរងគ្រោះ។ មុខ, ស្មា និងត្រចៀក ត្រូវបាន “ស៊ីអស់ទាំងស្រុង” ដោយសត្វជ្រូក ហើយស្ត្រីរងគ្រោះបានស្លាប់ដោយសារតែការបាត់បង់ឈាម នេះបើតាមរបាយការណ៍មួយផ្សេងទៀតដោយ news.au.com ។
ប្តីរបស់ជនរងគ្រោះ បានរកឃើញសាកសពភរិយាខ្លួននៅថ្ងៃបន្ទាប់ ដោយសារតែលោកបានចូលគេងកាលពីព្រលឹម ព្រោះតែមិនសូវស្រួលខ្លួន។
ក្រុមអ្នកស៊ើបអង្កេតចំពោះការស្លាប់នេះ បាននិយាយថា ពួកគេមិនដែលជួបប្រទះករណីបែបនេះទេ ក្នុងប៉ុន្មានឆ្នាំថ្មីៗនេះ៕ ប្រភព៖ news.au.com