លោក ស៊ី ជិន​ពីង ស្នើ​ឲ្យ​លោក ដូ​ណា​ល់ ត្រាំ សម្រួល​ទណ្ឌកម្ម​ខ្លះៗ ចំពោះ​កូរ៉េខាងជើង​

355

Channel News Asia៖ រដ្ឋមន្ត្រីការបរទេស​ចិន​លោក វ៉ាង យី (Wang Yi) នា​ថ្ងៃ​អង្គារ​ទី​២ កក្កដា​នេះ បាន​ប្រាប់ថា ប្រធានាធិបតី​ចិន​លោក ស៊ី ជិន​ពីង បានស្នើ​ឲ្យ​ប្រធានាធិបតី​អាមេរិក​លោក ដូ​ណា​ល់ ត្រាំ បង្ហាញ​ពី​ភាពបត់បែន​ខ្លះ រួមមាន​ការបន្ធូរបន្ថយ​ទណ្ឌកម្ម ចំពោះ​ប្រទេស​កូរ៉េខាងជើង នៅក្នុង​កិច្ចប្រជុំ G20 កាលពី​សប្តាហ៍​មុន​។​

​លោក វ៉ាង យី បាន​បន្តថា លោក ស៊ី ជិន​ពីង ប្រាប់​ទៅ​លោក ដូ​ណា​ល់ ត្រាំ ឲ្យ​ព្យាយាម​រក​ដំណោះស្រាយ សម្រាប់​ក្តីកង្វល់​របស់​ភាគី​ទាំងពីរ តាមរយៈ​កិច្ចចរចា ផងដែរ​។​

លោក ដូ​ណា​ល់ ត្រាំ  និង ​លោក គីម ជុង​អ៊ុន

​គួរ​រំ​ម្លឹ​ក​ផងដែរ​ថា លោក ស៊ី ជិន​ពីង បាន​ទៅធ្វើ​ទស្សនកិច្ច​ជា​លើកដំបូង ក្នុងនាម​ជា​ប្រធានាធិបតី​ចិន នៅ​កូរ៉េខាងជើង ដើម្បី​ជួបពិភាក្សា​ជាមួយ​លោក គីម ជុង​អ៊ុន មុនពេល​កិច្ចប្រជុំ G20 ដែល​រៀបចំឡើង​នៅ​ប្រទេស​ជប៉ុន​។ ចំណែក​លោក ដូ​ណា​ល់ ត្រាំ ទៅ​ទស្សនកិច្ច​នៅ​កូរ៉េខាងត្បូង ហើយ​ធ្លៀ​ត​ស្តា​ត់​ជួប​មេដឹកនាំ​កូរ៉េខាងជើង​លោក គីម ជុង​អ៊ុន នៅ​ព្រំដែន​គ្មាន​យោធា នៃ​អន្តរ​កូរ៉េ​ថែម​ទៀតផង​។​

លោក ដូ​ណា​ល់ ត្រាំ  និង ​លោក គីម ជុង​អ៊ុន

​តាមរយៈ​ជំនួប​នេះ លោក ដូ​ណា​ល់ ត្រាំ និង លោក គីម ជុង​អ៊ុន បាន​ឯកភាពគ្នា​បន្ត​កិច្ចចរចា​កម្រិត​ការងារ ស្តីពី​បញ្ហា​រំសាយ​អាវុធ​នុយក្លេអ៊ែរ របស់​កូរ៉េខាងជើង​ឡើងវិញ ហើយ​ទីក្រុង​ប៉េកាំង ក៏បាន​ចេញមុខ​ស្វាគមន៍ និង​គាំទ្រ​ពេញទំហឹង​ចំពោះ​ដំណើរការ​វិវឌ្ឍន៍​នេះដែរ​៕​