ជយោ​! កម្ពុជា អាច​នាំចេញ ចេកអំបូង​លឿង ដោយផ្ទាល់​ទៅកាន់​ប្រទេស​ចិន​

684

​ភ្នំពេញ​៖ យោងតាម​សេចក្តីជូនដំណឹង​របស់​ក្រសួងកសិកម្ម រុក្ខាប្រមាញ់ និង​នេសាទ ប្រទេស​កម្ពុជា អាច​នាំចេញ ចេកអំបូង​លឿង ទៅកាន់​ប្រទេស​ចិន​បាន​ដោយផ្ទាល់​ហើយ តាមរយៈ​ក្រុមហ៊ុន​ចំនួន ៥ ដោយ​ពុំ​ចាំបាច់​ឆ្លងកាត់​តាម ប្រទេស​វៀតណាម​ទៀត​នោះទេ ចាប់ពីពេលនេះ​តទៅ​។​

ចេកអំបូង​លឿង

​សេចក្តីជូនដំណឹង​រប​ស់អគ្គ​នាយកដ្ឋាន​កសិក​ម្ម នៃ​ក្រសួងកសិកម្ម រុក្ខាប្រមាញ់ និង​នេសាទ បានធ្វើ​ឡើង​កាលពី​ថ្ងៃទី​២៩ ខែមេសា ឆ្នាំ​២០១៩ នេះ ដោយបាន​ណែនាំ​ឲ្យ​ក្រុមហ៊ុននាំចេញ​ទាំង ៥ ត្រូវអនុវត្ត​ទៅតាម​លក្ខខណ្ឌ​មួយចំនួន​ដូចជា​៖

  • ត្រូវ​រៀបចំ​សំបក​វេច​ខ្ចប់​ឱ្យបាន​ត្រឹមត្រូវ ជា​ភាសា​អង់គ្លេស​ស្របតាម​លក្ខខណ្ឌ​តម្រូវ ដែល​មានចែង​ក្នុង​ពិធីសារ​រួមមាន​៖ ឈ្មោះ​ក្រុមហ៊ុននាំចេញ​, ឈ្មោះ​ផលិតផល​, មាន​លេខ​កូដ​ចុះបញ្ជី​កសិដ្ឋាន​, លេខ​កូដ​ចុះបញ្ជី​ទីតាំង​វេច​ខ្ចប់​, ប្រទេស​ប្រភពដើម​ផលិតផល​,
  • ត្រូវមាន​វិញ្ញាបនបត្រ​ភូតគាម​អនាម័យ​ច្បាប់ដើម ភ្ជាប់​មកជា​មួយ នៅពេល​នាំចេញ​មួយ​លើកៗ​,
  • នៅក្នុង​វិញ្ញាបនបត្រ​ភូតគាម​អនាម័យ ត្រូវ​រំលេច​ពាក្យ «The consignment accords with the Protocol of Phytosanitary Requirements for the export of bananas from Cambodia to China and free of quarantine pests concern to China»។
ចេកអំបូង​លឿង

អត្ថបទផ្សេងទៀត៖ ចេកអំបូង​លឿង​ខេត្តកំពត នាំ​ចេញទៅ​ប្រទេស​ចិន តាម​ប្រទេស​វៀតណាម ជា​រៀងរាល់ថ្ងៃ​

​គួរ​រំ​ម្លឹ​ក​ផងដែរ​ថា បច្ចុប្បន្ន​មាន​ក្រុមហ៊ុន​វិនិយោគ​លើ​កសិដ្ឋាន​ដាំចេក​អំបូង​លឿង​ចំនួន ៥ ដែល​បានទទួល​ការអនុញ្ញាត ឲ្យ​នាំ​ចេក​ពី​កម្ពុជា​ទៅកាន់​ប្រទេស​ចិន ដែល​រួមមាន​៖ ១. ក្រុមហ៊ុន Longmat Agriculture Co., Ltd ២. ក្រុមហ៊ុន Long Sreng Hua Jian Agriculture Development Co., Ltd ៣. ក្រុមហ៊ុន Green Island Agriculture Development (Cambodia) Limited ៤. ក្រុមហ៊ុន Sovann Reachsey Co., Ltd និង ៥. ក្រុមហ៊ុន Grand Land Agriculture Development (Cambodia) Co., Ltd​។​