Globe Telecom របស់​ហ្វីលីពីន​ត្រៀម​ដាក់​ឲ្យ​ដំណើរការ​ប្រព័ន្ធ 5G ដោយ​ប្រើ​បច្ចេកវិទ្យា​របស់ Huawei

395

Channel News Asia៖ ក្រុមហ៊ុន​ទូរគមនាគមន៍​ហ្វីលីពីន Globe Telecom បានប្រកាស​អំពី​ការ​គម្រោង​ដាក់​ដំណើរការ​នូវ​ប្រព័ន្ធ​សេវា 5G មុនគេ​នៅ​អាស៊ីអាគ្នេយ៍​នៅ​ខែក្រោយ​នេះ ដោយ​ប្រើប្រាស់​បច្ចេកវិទ្យា​របស់​ក្រុមហ៊ុន​ចិន Huawei ដោយ​មិន​ខ្វល់​អំពី​ការចោទប្រកាន់​របស់​អា​មេ​រិ​ក ចំពោះ​គ្រោះថ្នាក់​នៃ​ការប្រើប្រាស់​បច្ចេកវិទ្យារ​បស់ Huawei នោះទេ​។​

​ក្រៅពី​សហការ​ជាមួយ​ក្រុមហ៊ុន Globe Telecom ក្រុមហ៊ុន Huawei ក៏មាន​កិច្ចសន្យា ផ្គត់ផ្គង់​បរិក្ខា​ប្រព័ន្ធ​ឃ្លាំមើល​សុវត្ថិភាព (CCTV) សម្រាប់​គម្រោង​មួយ​ទំហំ ៤០០​លាន​ដុល្លារ​របស់​ប៉ូលិស​ហ្វីលីពីន ដើម្បី​កាត់បន្ថយ​បទឧក្រិដ្ឋ​នៅតាម​ទីក្រុង នៃ​ប្រទេស​ហ្វីលីពីន​ផងដែរ​។​

​នៅក្នុង​កំឡុង​ទស្សនកិច្ច មកកាន់​ហ្វីលីពីន​កាលពី​ខែមីនា​កន្លងទៅ រដ្ឋមន្ត្រីការបរទេស​អាមេរិក លោក ម៉ៃ​ក៍ ប៉ុ​ម​ប៉េ​អូ (Mike Pompeo) បាន​ព្រមាន​ហ្វីលីពីន ចំពោះ​ការប្រើប្រាស់​បច្ចេកវិទ្យារ​បស់​ក្រុមហ៊ុន Huawei ហើយ​ប្រទេស​ហ្វីលីពីន ត្រូវបាន​គេ​ដឹងថា ជា​ប្រទេស​ដែលមាន​ទំនាក់ទំនង​ផ្នែក​យោធា យ៉ាង​ល្អិត​ល្មួត​ជាមួយនឹង​សហរដ្ឋអាមេរិក​៕ ​