ទីក្រុង​ប៉េង​កាំ​ង​៖ កុំ​បកស្រាយ​បំផ្លើសការពិត ចំពោះ​កិច្ចសហប្រតិបត្តិការ​ចិន​-​កម្ពុជា​

432

អ្នកនាំពាក្យ​ក្រសួង​ក្រសួងការបរទេស​ចិន លោក Geng Shuang បាន​ថ្លែង សារព័ត៌មាន​សហរដ្ឋ​អាមេរិក កុំ​បកស្រាយ​លើសពី​ការពិត ចំពោះ​កិច្ចសហប្រតិបត្តិការ​ដ៏​ល្អ​រវាង​ចិន​-​កម្ពុជា នៅក្នុង​ស​ន្និសិទ​កាសែត ដែល​បាន​ធ្វើឡើង​កាលពី​ថ្ងៃទី​២៣ ខែកក្កដា កន្លងទៅនេះ ដែល​ត្រូវបាន​បង្ហោះ នៅលើ​គេហទំព័រ​របស់​ក្រសួងការបរទេស​ប្រទេស​ចិន​។​

​លោក Geng Shuang បន្តទៀតថា ចិន និង​កម្ពុជា បាន​ចូលរួម​ក្នុង​កិច្ចសហប្រតិបត្តិការ​នៅ​ទូទាំងប្រទេស ហើយ​កិច្ចសហប្រតិបត្តិការ​នេះ គឺធ្វើឡើង​ដោយ​បើកចំហ តម្លាភាព ស្មើភាព និង​ផ្ដល់​ផលប្រយោជន៍​ឱ្យ​គ្នា​ទៅវិញទៅមក ហើយ​រឿង​បែបនេះ មិន​ត្រូវបាន​បកស្រាយ​បំផ្លើស​លើសពី​ការពិត​នោះទេ​។​

អ្នកនាំពាក្យ​ក្រសួង​ក្រសួងការបរទេស​ចិន លោក Geng Shuang

​ការឆ្លើយតប​របស់ អ្នកនាំពាក្យ​ក្រសួង​ក្រសួងការបរទេស​ចិន បាន​ធ្វើឡើង​ក្រោយពី សារព័ត៌មាន The Wall Street Journal របស់​អាមេរិក បានចេញ​ផ្សាយ​ថា “​ប្រទេស​ចិន បាន​ចុះហត្ថលេខា​លើ​កិច្ចព្រមព្រៀង​ជាសម្ងាត់​មួយ ដើម្បី​អនុញ្ញាត​ឲ្យ​កងទ័ព​របស់ខ្លួន ប្រើប្រាស់​មូលដ្ឋាន​ទ័ពជើងទឹក​លើ​ទឹកដី​កម្ពុជា​។ កិច្ចព្រមព្រៀង​នោះ​គឺ​កម្ពុជា​ផ្តល់​ឲ្យ ភាគី​ចិន​នូវ​សិទ្ធិផ្តាច់មុខ ធ្វើជា​មូលដ្ឋាន​យោធាជើងទឹក​នៅ​ឈូង​សមុទ្រ​ខ្មែរ រយៈពេល ៣០​ឆ្នាំ​”​។​

​ក្រោយ​ការចេញផ្សាយ​នេះ​ផងដែរ ប្រមុខ​រាជរដ្ឋាភិបាល​កម្ពុជា សម្ដេច​តេ​ជោ ហ៊ុន សែន បាន​ប្រតិកម្ម​ឆ្លើយតប​ថា ការផ្សព្វផ្សាយ​ព័ត៌មាន​ស្តីអំពី​កម្ពុជា​ចុះហត្ថលេខា​ជាសម្ងាត់​ជាមួយ​ចិន ប្រើប្រាស់​មូលដ្ឋាន​យោធា គឺជា​ព័ត៌មាន​ប្រឌិត​ដ៏​អាក្រក់​បំផុត​ប្រឆាំង​ជាមួយ​កម្ពុជា​៕