សេដ្ឋកិច្ច

កណ្តាល៖ ក្រសួងកសិកម្ម រុក្ខាប្រមាញ់ និងនេសាទ បានប៉ាន់ប្រមាណថា បច្ចុប្បន្នការចិញ្ចឹមសត្វកន្ធាយអាចរកចំណូលបានយ៉ាងច្រើនក្រាសក្រែលរហូតដល់ ១០០លានដុល្លារ ក្នុងមួយឆ្នាំ ពីការផ្គត់ផ្គង់ទីផ្សារក្នុងស្រុក។ក្នុងដំណើរចុះពិនិត្យមើលវិស័យវារីវប្បកម្មរបស់ប្រជាកសិករនៅខេត្តកំពង់ចាម, កណ្តាល និងខេត្តព្រៃវែងកាលពីចុងសប្តាហ៍កន្លងទៅនេះ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន រួមជាមួយគណប្រតិភូក្រសួង បានចុះពិនិត្យកសិដ្ឋានចិញ្ចឹមសត្វកន្ធាយរបស់លោក ហេង ម៉ាទីណេ នៅភូមិស្វាយមាស ឃុំវិហារសួគ៍ ស្រុកខ្សាច់កណ្តាល...

ព្រៃវែង៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអះអាងថា ក្នុងស្ថានភាពដែលមានការ ប៉ះពាល់ជាសកលបង្កដោយជំងឺកូវីដ១៩ រដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ បានទទួលការការគាំទ្រហិរញ្ញប្បទានជាបឋមចំនួនប្រមាណជាង ៤,៦៨លានដុល្លារអាមេរិក ដើម្បីចាប់ផ្តើមសកម្មភាព ចុះជួយដល់កសិករជាង ៦០០០គ្រួសារ បន្ថែមទៀត។ លោក វេង សាខុន រដ្ឋមន្ត្រីក្រសួងកសិកម្ម បានបញ្ជាក់នៅក្នុងបណ្តាញសង្គមផ្ទាល់ខ្លួន កាលពីម្សិលមិញថា ហិរញ្ញប្បទាននេះ គឺក្រសួងទទួលបានការគាំទ្រពីរាជរដ្ឋាភិបាល និងដៃគូអភិវឌ្ឍន៍...

ព្រះវិហារ៖ «ផ្សិតប៉ក់» បានផ្តល់ចំណូលប្រហែល ១១ម៉ឺនដុល្លារ ដល់ពលរដ្ឋរស់នៅសហគមន៍តំបន់កាពារធម្មជាតិព្រៃក្តារនៃដែនជម្រកសត្វព្រៃគូលេនព្រហ្មទេព នៃខេត្តព្រះវិហារ។ នេះបើតាមការឱ្យដឹងពីលោក សាយ សំអាល់ រដ្ឋមន្ត្រីក្រសួងបរិស្ថាន នៅថ្ងៃទី៣ ខែកក្កដា ឆ្នាំ២០២០។ លោក សាយ សំអាល់ បានឱ្យដឹងយ៉ាងខ្លីថា តាមកំណត់ត្រារបស់អ្នកប្រមូលទិញក្នុងសហគមន៍ គិតចាប់ពីថ្ងៃទី២០ ខែឧសភា ដល់ថ្ងៃទី១៣ ខែមិថុនា ឆ្នាំ២០២០, ការប្រមូលផ្សិតប៉ក់ ជាមធ្យមមួយគ្រួសារប្រមូលបានប្រមាណ...

កោះកុង៖ កសិករចិញ្ចឹមត្រីឆ្ពង់ នៅខេត្តកោះកុង កំពុងព្រួយបារម្ភពីការក្ស័យធនមុខរបររបស់ខ្លួន ខណៈដែលការនាំចូលត្រីប្រភេទនេះពីប្រទេសជិតខាងយ៉ាងគំហុកកំពុងវាយលុកទីផ្សារក្នុងស្រុក។ ការធ្លាក់ចុះនៃការបញ្ជាទិញនាពេលនេះ ធ្វើឱ្យប្រជាកសិករម្ចាស់ស្រែចិញ្ចឹមត្រី កាន់តែព្រួយបារម្ភរឿងបាត់បង់ប្រាក់ចំណូល ខណ:ផលត្រីសល់រាប់ពាន់ក្បាលក្នុងស្រែ និងនៅតាមបែ ស្ថិតនៅតាមបណ្តោយព្រែកកោះប៉ោ ក្នុងទឹកដីស្រុកមណ្ឌលសីមា ខេត្តកោះកុង។ បន្ថែមពី លើនេះត្រីកាន់តែឡើងទម្ងន់ហួសតម្រូវការទីផ្សារ ចំណែកការចំណាយថ្លៃចំណី និងថែទាំអស់កាន់តែច្រើនឡើង។ កសិករចិញ្ចឹមត្រីឆ្ពង់លក្ខណៈគ្រួសារជាច្រើនបានឱ្យដឹងថា បញ្ហាវិបត្តិជំងឺកូវីដ១៩ បានបង្កផលប៉ះពាល់ដល់ការបញ្ចេញត្រីរបស់ពួកគាត់ នៅក្នុងរដូវរៀបអាពាហ៍ពិពាហ៍ និងបុណ្យទាន ដែលធ្លាប់មានតម្រូវការខ្ពស់ ប៉ុន្តែឆ្នាំនេះលក់ចេញបានតិចតួចប៉ុណ្ណោះ។ ប៉ុន្តែអ្វីដែលជាបន្ទុកធ្ងន់បន្ថែមពីលើនេះ គឺបញ្ហាត្រីនាំចូលពីប្រទេសថៃ...

ភ្នំពេញ៖ នៅថ្ងៃទី២ ខែកក្កដា ឆ្នាំ២០២០នេះ លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានជួបជាមួយសមាគមធុរកិច្ចជប៉ុននៃកម្ពុជា (JBAC) ដើម្បីពិភាក្សាការងារទាក់ទងនឹងការវិនិយោគរបស់ជប៉ុន នៅកម្ពុជា។ ក្នុងជំនួប លោករដ្ឋមន្ត្រី បានជម្រាបជូនពីការអនុវត្តគោលនយោបាយរបស់កម្ពុជា ក្នុងការពង្រីកទីផ្សារ ក៏ដូចជាទាក់ទាញវិនិយោគ។ តាមរយៈការអនុវត្តគោលនយោបាយ ក្រសួងពាណិជ្ជកម្ម បានដឹកនាំការចរចាកិច្ចព្រមព្រៀងពាណិជ្ជកម្មសេរីក្នុងតំបន់ និងទ្វេភាគី ដោយក្នុងនោះ កិច្ចព្រមព្រៀងភាពជាដៃគូគ្រប់ជ្រុងជ្រោយតំបន់ (RCEP) ដែលកម្ពុជា...

ភ្នំពេញ៖ ពាណិជ្ជកម្មទ្វេភាគីរវាងប្រទេសកម្ពុជា និងសហរដ្ឋអាមេរិក មានការកើនឡើងគួរឱ្យកត់សម្គាល់ក្នុង រយៈពេលប៉ុន្មានឆ្នាំចុងក្រោយនេះ ដោយទំហំពាណិជ្ជកម្មសរុបបានកើនឡើងក្នុងទំហំ ៣៧% ក្នុងឆ្នាំ២០១៩ បើប្រៀបធៀបទៅនឹងឆ្នាំ២០១៨ ដែលមានតម្លៃប្រមាណពីជាង ៤ពាន់លានដុល្លារដល់ ៥,៨ពាន់លានដុល្លារ។ នេះបើតាមការឱ្យដឹងពីក្រសួងពាណិជ្ជកម្មកម្ពុជា នៅថ្ងៃទី១ ខែកក្កដា ឆ្នាំ២០២០។ លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដែលបានចូលរួមពិធីអបអរសាទរខួបលើកទី ២៤៤ នៃទិវាឯករាជ្យជាតិរបស់សហរដ្ឋអាមេរិកបានឱ្យដឹងថា ប្រទេសទាំងពីបានចុះហត្ថលេខាលើកិច្ចព្រមព្រៀងរវាងក្រុមប្រឹក្សាអភិវឌ្ឍន៍កម្ពុជា (CDC)...

ភ្នំពេញ៖ ប្រធានសភាពាណិជ្ជកម្មកម្ពុជា និងជាប្រធានសម្របសម្រួល ក្រុមការងារទាំង១៣ ផ្នែកឯកជន អ្នកឧកញ៉ា គិត ម៉េង បានប្រាប់ទៅវិស័យឯកជន កុុមានការបារម្ភរឿង EBA ដោយអ្នកឧកញ៉ា មានជំនឿថា រាជរដ្ឋាភិបាលអាច នឹងអាចដោះស្រាយ បញ្ហានេះបាន ហើយឆាប់ៗនេះ រាជរដ្ឋាភិបាល នឹងអនុវត្តនូវច្បាប់ទាក់ទងល្បែងស៊ីសង។ នេះបើយោងតាមកិច្ចប្រជុំស្តីពី វឌ្ឍនភាព និងស្ថានភាព ផលប៉ះពាល់ កំឡុងពេលនៃការរាតត្បាតវីរុសកូវីដ-១៩...

ភ្នំពេញ៖ ឯកអគ្គរដ្ឋទូតអូស្ត្រាលី មានបំណងដឹកនាំក្រុមហ៊ុនរបស់ប្រទេសអូស្ត្រាលី មកធ្វើការវិនិយោគបន្ថែមនៅកម្ពុជា ជាពិសេសក្នុងវិស័យថាមពលកកើតឡើងវិញ ដូចជា ថាមពលវារីអគ្គីសនី និងថាមពលព្រះអាទិត្យជាដើម។ នេះបើយោងតាមជំនួបរវាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងលោក Pablo Chiho Kang ឯកអគ្គរដ្ឋទូតអូស្ត្រាលីថ្មីប្រចាំព្រះរាជាណាចក្រកម្ពុជា នៅថ្ងៃទី១ ខែកក្កដា ឆ្នាំ២០២០។ ក្នុងជំនួបនេះ ភាគីទាំងពីរ បានធ្វើការពង្រឹងកិច្ចសហប្រតិបត្តិការពាណិជ្ជកម្ម និងវិនិយោគ...

ភ្នំពេញ៖ រដ្ឋលេខាធិការក្រសួងពាណិជ្ជកម្ម និងជាប្រធានក្រុមចរចារបស់កម្ពុជា លោក សុខ សុភ័ក្ត្រ បានអះអាងថា កិច្ចព្រមព្រៀងពាណិជ្ជកម្មសេរីកម្ពុជា-ចិន គឺជាកិច្ចព្រមព្រៀងពាណិជ្ជកម្មសេរីទ្វេភាគីដំបូងបង្អស់ដ៏មានសារៈសំខាន់របស់កម្ពុជា។ លោកថា នៅពេលចូលជាធរមាន, កិច្ចព្រមព្រៀងនេះ នឹងចូលរួមចំណែកដ៏សំខាន់នៅក្នុងការធ្វើពិពិតកម្មទីផ្សារនាំចេញ និងជំរុញការនាំចេញផលិតផលរបស់កម្ពុជា ជាពិសេស ផលិតផលកសិកម្ម និង កសិ-ឧស្សាហកម្ម ទៅកាន់ ទីផ្សារដ៏ធំរបស់ចិន តាមរយៈការឯកភាពលើការបើកទីផ្សាទំនិញបន្ថែមនេះ ។ ការអះអាងនេះ បានធ្វើឡើងក្នុងកិច្ចប្រជុំអន្តរក្រសួងដើម្បីពិនិត្យ និងពិភាក្សាលើលទ្ធផលនៃការចរចាកិច្ចព្រមព្រៀងពាណិជ្ជកម្មសេរីកម្ពុជា-ចិន...

ភ្នំពេញ៖ លទ្ធផលនៃការនាំចេញអង្ករកម្ពុជា ទៅកាន់ទីផ្សារបរទេស ដែលបានឆ្លងកាត់ការត្រួតពិនិត្យភូតគាមអនាម័យ ក្នុងរយៈពេល ៦ខែដើមឆ្នាំ២០២០ សម្រេចបានចំនួន ៣៩៧.៦៦០តោន កើនឡើងប្រមាណ ១១៦.១២២តោន ស្មើនឹង ៤១,២៥% ដែលធៀបទៅនឹងរយៈ៦ខែដើមឆ្នាំ២០១៩ មានចំនួន ២៨១ .៥៣៨តោន។ នេះបើតាមការឱ្យដឹងពីក្រសួងកសិកម្ម រុក្ខាប្រម៉ាញ់ និងនេសាទ នៅថ្ងៃទី៣០ ខែមិថុនា ឆ្នាំ២០២០។ បើតាមក្រសួងកសិកម្មថា សម្រាប់ខែមិថុនា ឆ្នាំ២០២០...